Fin prazo de inscrición: 2 de xullo de 2026

OBXECTIVOS E TEMÁTICA DO CURSO

1. Coñecer o patrimonio natural do Bierzo e o seu importante papel na Reserva da Biosfera dos Ancares.
2. Afondar no coñecemento do patrimonio cultural e da historia do Bierzo.
3. Estudar a biodiversidade do Bierzo (fauna e flora) e coñecer e interpretar as súas paisaxes.
4. Explicar algunhas repercusións que as alteracións de orixe antrópica poden producir na natureza.
5. Avaliar as repercusións da progresiva perda de biodiversidade nun espazo natural como o Bierzo.
6. Presentar algúns dos últimos avances en cuestións biolóxicas e históricas e transferir ese coñecemento á sociedade.
7. Coñecer os fondos do Museo de Ciencias Naturais e Etnográficas do PP. Paules de Villafranca del Bierzo.

Docentes: Josefina Garrido González, Carlos Fernández Rodríguez, José Manuel Pereira Vega, Leonor Calvo Galán, José Eduardo Nieto Santín, Eduardo Berriatua Fernández, Cristina Dapía Neira, Bernardo López Santamarín, Francisco Arias Ferrero, Ramiro López Medrano, Mª Natividad Fuertes Prieto, Abel Arias Ferrero, Darío Fidalgo Casares, Blanca de la Nogal Fernández.

Os socios da Asociación Cultural Burval, que o sexan a data 15/05/2026 e o alumnado da Universidade de León, gozarán de redución no prezo de matrícula.

Para facer efectivo o dito desconto deberán seguir as seguintes indicacións:

1- Solicitar o recoñecemento como membro da Asociación cultural Burval ou como alumnado da Universidade de León. En https://campusactivo.uvigo.gal/ , unha vez se autentiquen, entrar na columna da esquerda en “Nova operación/Nova alta en colectivo especial”.

2- Unha vez validada a súa solicitude, recibirá un e-mail de confirmación.

3- Deberá proceder a inscribirse no curso, pagando a cota correspondente.

Para consultar a qué colectivo pertence, a efectos de descontos en actividades de extensión universitaria prema no seguinte enlace Colectivos Universidade de Vigo

Recoñecemento de créditos: Ao remate do curso entregarase un diploma acreditativo (asistencia obrigatoria ao 85 % das horas) con recoñecemento de 1 crédito ECTS para as ensinanzas de grao por cada 25 horas. O estudantado solicitará o recoñecemento de créditos no centro onde se imparta a titulación na que pretenda validar esas horas, presentando o certificado/diploma de aproveitamento da actividade.

Audiovisuais:

• Imaxes para lembrar: 13 edicións de Patrimonio Natural e Cultural do Bierzo.
• Verán que non queremos repetir: Ciencia e xestión despois dos incendios de 2025.

• Natureza e diversidade de Cantabria.
• Pequenos vectores, grandes problemas: A complexa historia da leishmaniose.
• Peña Piñera (Sésamo) e os seus arredores: Un patrimonio variado.

Visitas guiadas:

• Villafranca no século XVI: Arquitectura e escultura.
• Adega da Denominación de Orixe do Bierzo
• Museo de Ciencias Naturais e Etnográficas dos Padres Vicentinos de Villafranca del Bierzo. Coleccións de Ciencias Naturais. Coleccións de Arqueoloxía e Etnografía.

Concurso de fotografía:

• Fotografía do Patrimonio Natural e Cultural.

Saídas de campo:

• Ruta polos afloramentos de cuarcita de Peña Piñera (Sésamo, Vega de Espinareda).
• Ouro no Altar Sagrado do Bierzo. Cuarcitas. A mensaxe dos graptólitos nas rochas silúricas do Canón do Diablo.
• As pinturas rupestres de Peña Piñera e outras evidencias arqueolóxicas.

Obradoiro de pintura rupestre.

• Fronteira Cantábrica: Reconstruíndo o pasado natural de León dende a Prehistoria ata o presente.
• Como podemos evitar o impacto dos medicamentos no medio ambiente: é responsabilidade de todos.