1. Descrición: circuíto de exercicios deseñados en función das características concretas das persoas usuarias e dirixido a mellorar a condición física para as actividades da vida diaria e polo tanto a capacidade funcional e, ademais, a reducir o risco de lesións.
2. Persoas destinatarias: persoas con abono Muver ou entrada multideporte.
3. Reserva de prazas: debe realizarse unha reserva previa da praza para cada sesión. Pódese reservar por internet cunha antelación máxima de 3 días e ata o momento no que comece a clase.
O programa Ligas Universitarias inclúe diversas modalidades de deportes colectivos. O obxectivo deste programa é dar resposta ao interese polos deportes de equipo ao tempo que se fomentan valores como a deportividade e o compañeirismo. O regulamento destas competicións inclúe un sistema de puntuación fair play que promove o xogo limpo e castiga a falta de deportividade.
1.- Procedemento de inscrición:
- A inscrición realizarase exclusivamente a través desta web. Non será posible inscribirse doutro xeito. - Co obxectivo de mellorar o funcionamento das ligas universitarias e asegurar un mellor compromiso dos distintos equipos inscritos é necesario pagar unha FIANZA de 30€ para crear un equipo nas ligas universitarias. Esta fianza será devolta ao final da competición no caso de o equipo cumpra con todos os seus compromisos: asistencia a todos os encontros, cumprimento dos regulamentos e normativas da Uvigo, etc. - A inscrición do equipo tena que realizar a persoa delegada do mesmo, adquirindo primeiro o abono de responsable de equipo" e inscribindo ao equipo despois nesta web. Unha vez feita a inscrición do equipo, o programa proporcionaralle un código de equipo que será o que teña que utilizar despois cada xogador/a para facer a súa inscrición individual no mesmo. - Os equipos deberán ter inscrito o número mínimo de xogadores/as establecido para cada modalidade deportiva antes da data de remate do período de inscrición ou quedarán excluídos da mesma. - Poderase elixir horario de mañá ou tarde en función da conveniencia de cada equipo, entendendo como mañá o tramo horario comprendido entre as 10 e as 14 h. e como tarde o tramo entre as 14 e 19 h. (hora de inicio dos partidos) - Os equipos que xa participaron na temporada pasada deberán conservar o seu nome se queren inscribirse na división que por méritos lles corresponde. - Os equipos estarán compostos exclusivamente por persoas pertencentes á comunidade universitaria da Uvigo. - Cada xogador/a poderá inscribirse como máximo en dous equipos de distintas modalidades deportivas. En todo caso, a Área de Benestar, Saúde e Deporte non se responsabiliza das posibles incompatibilidades de horario daquelas persoas inscritas en mais dunha modalidade deportiva. - Durante a fase de campus unha persoa soamente poderá participar en un único equipo da mesma modalidade deportiva. - Nesta competición os equipos poderán ser masculinos/mixtos ou femininos.
2.- Lista de equipos inscritos e reclamacións:
A lista provisional de equipos inscritos publicarase ao día seguinte do remate do prazo de inscrición. Se algún equipo tivera feito a súa inscrición e non aparecera na lista publicada ao pé desta web, poderá facer unha reclamación por correo electrónico nun prazo máximo de 48 h dende a publicación do citado listado.
3.- Xogadores/as sen equipo:
Aquelas persoas que non teñan equipo poden inscribirse na Bolsa de Xogadores/as sen Equipo para facilitar que os equipos xa inscritos se poñan en contacto con elas poidan fichalas para completar as súas plantillas.
4.- Sistemas de competición:
As competicións darán comezo a partir da segunda semana de outubro. Cada campus e cada modalidade deportiva terá o seu propio sistema de competición adaptado ao número de equipos finalmente inscrito. Ao pé desta web publicarase a información relativa ao sistema de competición de cada campus unha vez que finalice o período de inscrición.
Ao remate das fases de campus, os equipos mellor clasificados en cada modalidade deportiva competirán entre eles na Fase Final Intercampus que este curso celebrarase no Campus de Vigo.
5.- Normativa da competición:
A competición rexerase polo Regulamente de Competicións Universitarias de Deportes Colectivos da Universidade de Vigo que podes descargar ao pé desta páxina.
1.- Distancia: 18 km.
2.- Itinerario: As Raposeiras – Freaza – Monte da Cidade – Fraga do Rei – As Lombas – As Raposeiras
3.- Dificultade: media-baixa.
4.- Descrición: unha paisaxe de ribeira ideal para percorrer no outono. Corgas tapizadas dun verde musgo, rodeadas de carballeiras, pontellas, pontes e poldras.
5.- Inscricións: as inscricións estarán abertas de xeito exclusivo para a comunidade universitaria ata o luns anterior a cada ruta. No caso de quedar prazas libres, o martes, mércores e xoves anteriores a cada ruta permitirase a inscrición de calquera persoa interesada. As persoas menores de 16 anos que desexen participar nesta actividade irán sempre acompañadas dunha persoa adulta responsable e deberán poñerse en contacto co Servizo de Extensión Universitaria ou as Áreas de Servizos á Comunidade para formalizar a súa inscrición.
6.- Outra información xeral de interese:
- Cada ruta realizada recoñecerase con 7,5 h ECTS por día de duración.
- Haberá autobuses para trasladar as persoas participantes ao inicio de cada ruta dende os campus de Ourense (Cafetería Bekas), Vigo (rúa do Areal, nº46) e Pontevedra (Praza de Galicia, nº 5).
- Equipo aconsellable para todas as rutas: mochila pequena con chuvasqueiro, paraugas, apósitos para as bochas, muda completa (outros calcetíns), navalla, cantimplora ou similar e, a partir do mes de marzo, viseira ou gorra. Para todas as rutas as persoas participantes levarán a súa comida (bocadillos, froita, froitos secos, bebidas, etc.).
- Todos os itinerarios para GPS poderán descargarse, xunto coas fotografías de cada ruta e toda a información complementaria, no blogue http://roteirosuvigo.blogspot.com e no Facebook: Rutas Culturais da Universidade de Vigo.
1. Persoas destinatarias
Persoas con abono mUVer ou cunha entrada multideporte.
2. Inscrición e reserva
É necesaria a reserva anticipada en cada unha das sesións.
3. Descrición
É unha disciplina fitness enfocada por unha banda a manter un corpo saudable e por outra a desenvolver, fortalecer e dar flexibilidade ao corpo mediante movementos de baile combinados cunha serie de rutinas aeróbicas.