RESERVAS, AFORO E REXISTRO DE USOS

1. Cita previa: a través da aplicación informática campusactivo.uvigo.gal con, polo menos, 12 horas de antelación ao momento do uso. Franxas horarias dunha hora.
2. Aforo: 6 persoas como máximo.
3. Rexistro: levarase un rexistro específico dos usos para o seguimento de posibles continxencias.

CONDICIÓNS DE ACCESO

1. As persoas afectadas pola enfermidade COVID-19 que presenten síntomas asociados á mesma (tose, febre, dificultade para respirar, perda de olfacto e/ou do gusto, etc.) ou que estea en illamento ou corentena, non poderán acceder ás instalacións.
2. Deberán acceder á pista coas súas propias máscaras, que poderán deixar de usar ao comezar da práctica deportiva. Ao saír da instalación, volverá a ser esixible o seu uso da máscara.
3. Dirixiranse directamente ao lugar de xogo; non terán que pasar por ningún punto de control. A tal efecto, achegarase un número de teléfono habilitado para confirmar a asistencia e resolver posibles dúbidas ou incidencias.
4. Deberán agardar ás súas quendas de entrada nun punto sinalizado canto menos a dous metros da porta de acceso á pista.
5. Deberán lavar as mans con auga e xabón antes e despois da práctica. A maiores, recomendarase que se laven regularmente e que se adopten os principios necesarios para unha correcta hixiene.
6. Deberán respectar en todo momento a distancia mínima interpersoal de dous metros de separación.
7. Utilizarán panos dun só uso para evitar cuspir ou derramar fluídos ou mucosidades. Estes panos terán que ser desbotados nas papeleiras.
8. Recoméndase acceder ao interior da pista con calzado diferente ao que se traia da rúa.
9. Recoméndase acceder ás instalación coa bebida necesaria, xa que as fontes estarán precintadas en toda a zona deportiva.
10. Prégase a máxima responsabilidade e prudencia, dando prioridade a minimizar o risco dun posible contaxio. Toda persoa que acceda á instalación deberá cumprir cos protocolos publicados en cada momento polas autoridades competentes.

DESENVOLVEMENTO DA PRÁCTICA

1. Non está permitido en ningún caso compartir o material, así que cada deportista achegará un bote de 3 bólas marcadas cunha cor ou un sinal distinguible.
2. Cada deportista só poderá tocar coa man as bólas que teña achegado.
3. Para pasar as bólas só se poderán utilizar a raqueta ou o pé, non se poderán pasar coa man en ningún caso.
4. Para cambios de campo débese seguir unha rotación no sentido das agullas do reloxo.
5. Non está permitido o uso de cadeiras ou bancos no interior da pista.