Non está permitido fumar nin comer en todo o recinto deportivo.
Carreiras:
- Realizaranse sempre con zapatillas de cravos dun máximo de 6 mm de lonxitude, agás no caso das rúas exteriores 5 e 6, nas que poderán usarse zapatillas sen cravos.
- As rúas 1 e 2 quedan reservadas exclusivamente para competicións, polo que queda prohibida a súa utilización en adestramentos, salvo autorización expresa do SD.
- As series de menos de 150 metros realizaranse sempre na contrarrecta.
Saltos:
- Poderanse practicar con ou sen zapatillas de cravos.
- Os saltos de lonxitude e triplo realizaranse nos corredores e nos fosos de area.
- O salto de altura realizarase na media lúa na que se encontren instalados os saltómetros.
- O salto con pértega soamente poderá practicarse cando non exista actividade no campo de fútbol/rugby e será necesario acreditar a suficiente experiencia nesta actividade.
- Para a realización de multisaltos de adestramento poderanse utilizar ambas medias lúas ou os corredores de saltos.
Lanzamentos:
- Deberá consultarse previamente a dispoñibilidade do campo de herba natural como superficie de recepción dos artefactos.
- Ademais de nos círculos propios das disciplinas, os lanzamentos de peso e disco poderanse realizar en ambas medias lúas, sempre que a caída dos artefactos se produza na herba.
- O lanzamento de xavelina poderá realizarse dende as dúas medias lúas, con ou sen zapatillas de cravos.
- O lanzamento de martelo só se poderá realizar na gaiola cando esta teña a rede levantada. No caso de empregar artefactos alternativos (balóns atados con cordas), si poderán ser utilizados fóra da gaiola.