CITA PREVIA, AFORO E REXISTRO DE USOS

1. Cita previa: só se poderá acceder ás instalacións cunha reserva previa con, polo menos, 6 horas de antelación ao momento do uso. A reserva deberá realizarse exclusivamente través da aplicación informática campusactivo.uvigo.gal.
2. Aforo: 20 persoas como máximo.
3. Rexistro: levarase un rexistro específico dos usos para o seguimento de posibles continxencias.

CONDICIÓNS DE ACCESO

1. As persoas usuarias afectadas pola enfermidade COVID-19, que presenten síntomas asociados á mesma (tose, febre, dificultade para respirar, perdida de olfacto e/ou do gusto, etc.) ou que estean en illamento ou corentena, non poderán acceder ás instalacións.
2. Deberán acceder ás instalacións coas súas propias máscaras e unha bolsa de desinfección que inclúa toalla e xel hidroalcólico. Ao saír da instalación volverá a ser esixible o uso da máscara.
3. Dirixiranse directamente ao lugar de xogo; non terán que pasar por ningún punto de control. A tal efecto, achegarase un número de teléfono habilitado para confirmar a asistencia e resolver posibles dúbidas ou incidencias.
4. Deberán agardar ás súas quendas de entrada nun punto sinalizado canto menos a dous metros da porta de acceso á pista.
5. Deberán lavar as mans con xel hidroalcohólico antes e despois da práctica. A maiores, recoméndase que se laven regularmente e que adopten os demais principios para unha correcta hixiene.
6. Deberán respectar en todo momento a distancia mínima interpersoal establecida polas autoridades sanitarias (no caso de adestramentos de carreira ou marcha: 10 metros de distancia e 2 metros de separación lateral).
7. Utilizarán panos dun só uso para evitar cuspir ou derramar fluídos ou mucosidades. Estes panos terán que ser desbotados nas papeleiras.
8. Recoméndase acceder ás instalacións cun calzado diferente ao que se traia da rúa.
9. Recoméndase acceder ás instalación coa bebida necesaria, xa que as fontes estarán precintadas en toda a zona deportiva.
10. Prégase a máxima responsabilidade e prudencia, dando prioridade a minimizar o risco dun posible contaxio. Toda persoa que acceda á instalación deberá cumprir cos protocolos publicados en cada momento polas autoridades competentes.

DESENVOLVEMENTO DA PRÁCTICA

1. Non está habilitado o servizo de préstamo de material. Non está permitido compartir o material en ningún caso.
2. Uso das rúas:
   Empregaranse de forma individual, cunha distancia mínima de seguridade de entre 5 e 10 metros entre persoas. Deberá seguirse a seguinte distribución:

3. Uso das zonas de saltos:
   Habilitarase un único foso de saltos horizontais que se deberá usar de un en un e mantendo a distancia mínima de seguridade de 2 metros.. Non poderá haber máis de 3 persoas por quenda.
4. Uso das zonas de lanzamento de peso:
   Os círculos de lanzamentos só se poderán usar de un en un, sen intercambiar material e cunha distancia de seguridade de 2 metros entre persoas. Non poderá haber máis de 3 persoas por quenda na zona
5. Uso das zonas centrais e perimetrais:
   Só se poderán usar para a carreira de rodaxe e para a realización de exercicios en horarios establecidos, respectando sempre a distancia de seguridade de 2 metros.
   No caso do adestramento en circuítos ou similares, poderanse utilizar os semi-círculos da zona sintética.
6. Non está permitido o uso de cadeiras, bancos e colchonetas.