Datas de matrícula: do 22 de setembro ao 2 de outubro de 2026

Duración: 30 horas presenciais

Obxectivos:

• Identificar cogomelos a nivel macroscópico e microscópico, cun enfoque máis avanzado.
• Coñecer a normativa de apaña de cogomelos en Galicia e no resto do Estado
• Aprender a identificar e recoñecer especies de cogomelos
• Diferenciar estruturas microscópicas dos fungos
• Diferentes usos dos cogomelos: gastronómicos, nutracéutico, tincións, etc.

Dirixido a persoas con algún coñecemento previo no eido da micoloxía.

Docentes: Adrián Melón Raña, Hugo Fernández Ricón e Mauro Rivas Ferreiro.

Consultar condicións da inscrición

Para consultar a qué colectivo pertence, a efectos de descontos en actividades de extensión universitaria prema no seguinte enlace Colectivos Universidade de Vigo

Recoñecemento de créditos: ao remate do curso entregarase un diploma acreditativo (asistencia obrigatoria ao 85 % das horas) con recoñecemento de 1 crédito ECTS para as ensinanzas de grao por cada 25 horas. O alumnado solicitará o recoñecemento de créditos no centro onde se imparta a titulación na que pretenda validar esas horas, presentando o certificado/diploma de aproveitamento da actividade.

1. Identificación de cogomelos: manexo de claves de identificación micolóxicas a nivel de especie (claves dicotómicas, MycoKey, etc) A macromícoloxía como ciencia.
2. Normativa galega e estatal para a apaña de cogomelos silvestres e o seu aproveitamento.
3. Microscopía de fungos: manexo do microscopio, aplicación de tincións e reactivos, visualización de estruturas importantes en identificación.
4. Nomenclatura de fungos: normas principais, nomes científicos vs. nomes populares
5. Bioloxía de fungos saprotróficos, patóxenos e micorrícicos
6. Identificación de especies do xénero Agaricus e cogomelos semellantes
7. Identificación de especies da familia Russulaceae e cogomelos semellantes
8. Identificación de especies de fungos gasteroides e cogomelos semellantes
9. Identificación de especies de Ascomycetes máis importantes
10. Identificación do grupo dos little brown mushrooms (fungos pequeños e marróns) - xéneros máis importantes, principais diferenzas.
11. Identificación de especies de fungos poliporáceos e cogomelos semellantes
12. Principais tipos de intoxicacións por fungos. Fungos nutracéuticos.