Datas de matrícula: do 22 de setembro ao 2 de outubro de 2026

Duración:  20 horas (18 horas presencias máis 2 horas de traballo persoal)

Requisitos:

• Dispoñer de portátil propio.
• Ter coñecementos básicos no deseño e fabricación de placas de circuito impreso (PCBs)

Obxectivos:

• Acadar un nivel intermedio no deseño de placas electrónicas empregando ferramentas libres e modernas
• Familiarizarse cos conceptos teóricos fundamentais para o deseño e fabricación de PCBs, incluíndo a comprensión da súa estrutura, materiais e tipos.
• Adquirir habilidades prácticas no uso de software libre e especializado como KiCad e LTSpice para o deseño de esquemáticos e layouts de PCBs.
• Coñecer o proceso de fabricación de PCBs, tanto a nivel profesional como de fabricación caseira.
• Aprender sobre técnicas básicas de soldadura e medición para traballar con placas electrónicas.

O obradoiro divídese en tres módulos: introdución teórica, proceso de deseño e fabricación, e prácticas.  

Docentes: Fernando Flores García e Diego Lugo Souto

Consultar condicións da inscrición

Para consultar a qué colectivo pertence, a efectos de descontos en actividades de extensión universitaria prema no seguinte enlace Colectivos Universidade de Vigo

Recoñecemento de créditos: ao remate do curso entregarase un diploma acreditativo (asistencia obrigatoria ao 85 % das horas) con recoñecemento de 1 crédito ECTS para as ensinanzas de grao por cada 25 horas. O alumnado solicitará o recoñecemento de créditos no centro onde se imparta a titulación na que pretenda validar esas horas, presentando o certificado/diploma de aproveitamento da actividade.

• Introdución ao deseño de PCBs.
• Clases e tipos de PCBs.
• Composición, estrutura e materiais dunha PCB.
• Introdución a KiCad e LTSpice e instalación do software.
• Proceso de deseño: idea preliminar, bosquexo inicial e análise de datasheets.
• Creación de esquemáticos: deseño de librarías, boas prácticas e xerarquización.
• Deseño de layout: stackup, placement, rutado e planos de GND e PWR.
• Fabricación de PCBs: teoría, preparación de arquivos e fabricación caseira.
• Conceptos básicos sobre soldadura, medicións e comprobación de compoñentes.
• Introdución á xestión de versións no deseño electrónico.