Datas de matrícula: do 22 de setembro ao 2 de outubro de 2026

Duración:  25 horas (24 horas presencias máis unha hora de traballo persoal)

Obxectivos:

• Introducir ao alumnado nas tecnoloxías actuais de virtualización e contedores, cun enfoque eminentemente práctico.
• Traballar con máquinas virtuais, Docker e Kubernetes para comprender como se crean, xestionan e despregan contornas illadas e aplicacións modernas na nube e en sistemas locais.
• Ser quen de instalar e configurar contornas de virtualización, crear e executar contedores, xestionar imaxes personalizadas, empregar Docker Compose e realizar un despregamento básico en Kubernetes mediante Minikube.

Non se requiren coñecementos previos. Dirixido a persoas interesadas en tecnoloxías da información, DevOps e infraestruturas modernas. Formación orientada á práctica con exemplos reais e guía paso a paso.

Docente: Luís Fernández Couñago

Consultar condicións da inscrición

Para consultar a qué colectivo pertence, a efectos de descontos en actividades de extensión universitaria prema no seguinte enlace Colectivos Universidade de Vigo

Recoñecemento de créditos: ao remate do curso entregarase un diploma acreditativo (asistencia obrigatoria ao 85 % das horas) con recoñecemento de 1 crédito ECTS para as ensinanzas de grao por cada 25 horas. O alumnado solicitará o recoñecemento de créditos no centro onde se imparta a titulación na que pretenda validar esas horas, presentando o certificado/diploma de aproveitamento da actividade.

1. Introdución á virtualización e contedores
2. Instalación e configuración: VirtualBox e Docker Desktop
3. Máquinas virtuais: creación, administración e redes
4. Fundamentos de Docker: imaxes, contedores e volumes
5. Dockerfile e construción de imaxes personalizadas
6. Docker Compose e aplicacións multicontedor
7. Introdución a Kubernetes e Minikube
8. Pods, Deployments e Services
9. Despregamento dunha aplicación contenedorizada
10. Boas prácticas e seguridade en contedores