Fin prazo de inscrición: 15 de setembroo de 2026

OBXECTIVOS E TEMÁTICA DO CURSO

• Comprender a evolución histórica do corpo como elemento central nas prácticas artísticas contemporáneas.
• Analizar a emerxencia da performance e da arte de acción.
• Explorar a noción de presenza e a súa relación coa creación artística.
• Desenvolver ferramentas básicas de expresión corporal e conciencia do movemento.
• Introducir técnicas de traballo vocal e exploración da voz como material artístico.
• Investigar a relación entre corpo, espazo, tempo e público. Fomentar procesos de creación artística baseados na experimentación interdisciplinar.
• Desenvolver unha proposta performativa fundamentada conceptual e formalmente.

Docentes: Iria Vázquez López, Olga Cameselle, Susana Garrido, Macarena Montesinos, Marco Maril, María Rodríguez

Para consultar a qué colectivo pertence, a efectos de descontos en actividades de extensión universitaria prema no seguinte enlace Colectivos Universidade de Vigo

Recoñecemento de créditos: Ao remate do curso entregarase un diploma acreditativo (asistencia obrigatoria ao 85 % das horas) con recoñecemento de 1 crédito ECTS para as ensinanzas de grao por cada 25 horas. O estudantado solicitará o recoñecemento de créditos no centro onde se imparta a titulación na que pretenda validar esas horas, presentando o certificado/diploma de aproveitamento da actividade.

1. O corpo como territorio artístico
2. Performance e arte de acción
3. Corpo, identidade e memoria
4. Corpo, voz e movemento
5. Corpo, son e espazo
6. Creación performativa