Fin prazo de inscrición: 3 de xuño de 2026

OBXECTIVOS E TEMÁTICA DO CURSO

• Introducir os conceptos básicos da botánica necesarios para a observación e descrición das plantas no medio natural.
• Recoñecer os principais caracteres morfolóxicos empregados na identificación das especies vexetais.
• Familiarizar ao alumnado co uso de ferramentas de identificación, como guías de campo e claves dicotómicas.
• Explorar os usos tradicionais e actuais das plantas, especialmente nos ámbitos alimentarios, medicinal e cultural, introducindo ao alumnado na etnobotánica.
• Fomentar a observación da biodiversidade vexetal e a reflexión sobre a súa conservación.
• Desenvolver habilidades básicas de identificación e interpretación da diversidade vexetal presentes na contorna próxima.

A temática do curso sitúase no ámbito das ciencias, en concreto a botánica, a etnobotánica e a divulgación científica da biodiversidade. O curso pretende achegar o coñecemento científico sobre as plantas a un público amplo mediante unha metodoloxía accesible e participativa, promovendo unha aproximación práctica ao estudo das plantas e á súa relación co ser humano.

Docentes: María Cabaleiro, Adrián Melón, Nerea Cazas, Hugo Ferández Ricón, Mauro Rivas,

Para consultar a qué colectivo pertence, a efectos de descontos en actividades de extensión universitaria prema no seguinte enlace Colectivos Universidade de Vigo

Recoñecemento de créditos: Ao remate do curso entregarase un diploma acreditativo (asistencia obrigatoria ao 85 % das horas) con recoñecemento de 1 crédito ECTS para as ensinanzas de grao por cada 25 horas. O estudantado solicitará o recoñecemento de créditos no centro onde se imparta a titulación na que pretenda validar esas horas, presentando o certificado/diploma de aproveitamento da actividade.

• Introdución á botánica de campo e á observación das plantas.
• Morfoloxía vexetal básica e caracteres para a identificación das plantas.
• Uso de claves dicotómicas, guías de campo e ferramentas de identificación.
• Preparación de herbarios e a súa importancia no estudo da biodiversidade vexetal.
• Flora local e diversidade vexetal: principais hábitats e especies representativas.
• Plantas silvestres comestibles, medicinais, tóxicas e con outros usos.
• Introdución á etnobotánica: usos tradicionais das plantas e coñecemento local.
• Especies exóticas invasoras e conservación da flora ameazada.
• Introdución ás ferramentas modernas de identificación: barcoding e filoxenética vexetal.
• Ferramentas dixitais e plataformas de ciencia cidadá para o estudo da flora.