Descrición: O contexto educativo actual está marcado por profundas transformacións metodolóxicas, sociais, tecnolóxicas e culturais que interpelan directamente á universidade como espazo de formación crítica, compromiso social e innovación pedagóxica. Neste escenario, resulta imprescindible ofrecer ao alumnado oportunidades formativas que lles permitan pensar a educación desde unha perspectiva integral, conectando coñecemento académico, acción social e metodoloxías activas de aprendizaxe.

Este curso de extensión universitaria nace coa finalidade de promover unha aprendizaxe significativa e comprometida, centrada en aprender, pensar, crear e transformar a realidade educativa e social desde unha mirad socioeducativa.

O curso integra enfoques actuais como a educación socioeducativa, as metodoloxías activas e a conexión entre a aula e o contorno, favorecendo unha aprendizaxe experiencial, reflexiva e colaborativa. Deste xeito, o alumnado non só adquire coñecementos teóricos, senón que desenvolve competencias clave para a súa formación persoal, académica e profesional, como o pensamento crítico, a creatividade, o traballo en equipo e o compromiso coa transformación social.

O curso preséntase, así, como un espazo para conectar saber, acción e reflexión, favorecendo unha educación con impacto real máis alá da aula.

Os obxectivos do curso son os seguintes:

-Fomentar unha compresión crítica da educación como ferramenta de transformación social, promovendo no alumnado a capacidade de analizar a realidade educativa desde unha perspectiva socioeducativa e comprometida.

-Explorar e aplicar metodoloxías activas, intelixencia artificial e enfoques STEAM para favorecer procesos de aprendizaxe significativos baseados na creatividade, na experimentación, no pensamento crítico e no traballo colaborativo.

-Coñecer e utilizar recursos educativos innovadores, para o deseño de propostas educativas contextualizadas, éticas e adaptadas a distintos ámbitos socioeducativos.

Este curso de extensión  ten unha duración de 30 horas .

Director: Jesús Deibe Fernández Simo

Programa detallado

Recoñecemento de créditos: ao remate do obradoiro entregarase un diploma acreditativo a cada participante que seguise polo menos un 85% das actividades programadas, con recoñecemento de 1 crédito ECTS para as ensinanzas de grao por cada 25 horas de traballo do estudante. O alumnado solicitará o recoñecemento de créditos na secretaría de alumnos da facultade onde se imparta a titulación na que pretenda validar esas horas, presentando o certificado/diploma de aproveitamento da actividade.

Para consultar a qué colectivo pertence, a efectos de descontos en actividades de extensión universitaria prema na seguinte ligazón: Colectivos Universidade de Vigo

- Innovación na rede de formación docente.
- Enfoque STEAM.
- Intelixencia artificial e recursos tecnolóxicos na práctica educativa.
- Metodoloxías activas na aula.
- Acción socioeducativa na escola.