Nos últimos 15 anos, un avance tecnolóxico marcou o comezo dunha nova era no mundo da arte dixital, o que representou un salto xigante para a industria audiovisual. Coa enorme evolución e posterior popularización do software de escultura 3D a mediados da década de 2000, o acto de crear obras de arte dixitais complexas democratizouse, o que permitiu a artistas con coñecementos técnicos mínimos alcanzar niveis de fidelidade antes inimaxinables. Desde entón, o proceso de creación de calquera tipo de escultura dixital orgánica transformouse por completo, evolucionando dun traballo técnico laborioso a unha reprodución sorprendentemente fiel das técnicas do mundo real, con todas as vantaxes que ofrece o formato dixital. Este curso ten como obxectivo introducir aos participantes nos fundamentos da escultura dixital, permitíndolles maximizar o seu uso de ferramentas de vangarda e explotar plenamente o seu potencial creativo para producir incribles obras de arte en 3D, xa sexa nos campos do cine de animación, os videoxogos ou a impresión 3D. Tanto se o alumno parte de coñecementos previos en 3D como se descoñece por completo a materia, ao final do curso terá todas as habilidades necesarias para crear as súas propias obras de arte dixitais.

Este obradoiro está dirixido ao alumnado, PDI e PTXAS da Uvigo.

• Familiarización co software: Interfaz, xestión de gardado, visualización de la pieza, navegación na escena, atallos de teclado.
• Principais pasos: Formas primitivas, Operacións Booleanas, Ferramentas básicas.
• Coñecementos avanzados: Polygrops, Ferramentas avanzadas.
• Aplicación práctica. Creación dun busto, creación dunha personaxa de corpo completo.