Aterra sigillata ("terra selada"} é un tipo de cerámica romana de gran valor histórico e estético. 
É un acabamento cerámico que consiste nun engobe refinado ou engobe coloidal que se obtén con 
arxila e auga, onde as partículas máis pequenas da arxila utilízanse para pintar e impermeabilizar 
as pezas, resultando un aspecto final cun brillo sedoso.

O uso da terra sigillata romana remóntase dende o século I ata a caída do imperio romano, pero as 
arxilas refinadas e os acabamentos con engobe coloidal xa son empregados dende séculas anteriores 
polos gregos, e tamén en civilizacións de orixe precolombino. Hoxe en día continúa a ser usada en 
numerosos obradoiros artesanos.

Coa intención de realizar actividades plásticas contemporáneas tomando como referencia as artes e 
artesanías ancestrais, neste curso preténdese traballar a forma, o material e a aplicación de 
técnicas actuas que permitan un novo enfoque das terras sigillatas.

Obxectivos xerais:

Conseguir que as e os asistentes adquiran unha base de coñecementos que lles permita ter unha 
visión xeral das terras sigillatas, das súas características e da súa aplicación.
Favorecer a asimilación dos contidos do curso de forma próxima á realidade, de modo que o proceso 
teña como resultado unha formación práctica e útil.
Fomentar a cooperación e o traballo en equipa.

Obxectivos específicos:

Explorar e desenvolver a técnica da terra sigillata, así como as súas posibilidades plásticas e 
expresivas.
Realizar varias pezas diferentes de terra sigi/lata.
 

1. Os diferentes tipos de arxila para elaborar terras sigillatas.
2. Preparación e adecuación do barro soporte para o traballo con terras sigillatas.
3. Os diferentes tipos de defloculantes químicos para a decantación das terras.
4. Iniciación ao proceso de elaboración de Sigillatas.
5. Coñecemento dalgunhas técnicas decorativas.
6. Mostrase aplicación da terra sigi/lata.
7. Desenvolvemento dunha cocción normal e outra tipo raku nu en forno de gas.