Neste obradoiro introducirase ó alumnado na disciplina da Arte Sonora, co obxectivo principal de 
achegarse o son desde un punto de vista artístico, adquirindo os coñecementos e prácticas 
necesarios para desenrolar un discurso sonoro propio, vehiculado a través da creación dunhas 
"caixas sonoras".

Paralelamente, márcanse outra serie de obxectivos fundamentais:

•  Achegar a arte o paisaxismo sonoros ás e ós participantes.
•  Fomentar unha escoita atenta para comprender o noso entorno.
•  Mellorar as capacidades de atención e concentración a través da nosa percepción auditiva.
•  Cultivar o interese polo son como elemento de creación artística.
•  Sensibilización sobre a ecoloxía acústica.
•  Reforzar a importancia da reciclaxe e a sustentabilidade.

Xunto os conceptos teóricos fundamentais, o obradoiro centrarase no uso práctico de ferramentas 
básicas como microfonía, gravadores e efectos sonoros, para a manipulación dos sons...

A parte práctica, será unha vía para acadar unha metodoloxía que permitirá realizar unha 
exploración creativa do son e as súas posibilidades como linguaxe artística.
Nesta parte do curso construirase unha "caixa sonora" e as e os participantes aprenderán a fabricar 
un micrófono de contacto co que poder amplificalas.

O obradoiro de "Caixas Sonoras" é unha introducción ó universo da Arte Sonora, que ten como 
obxectivo a realización dunha serie de pezas artísticas con forma de Caixa amplificadas con 
micrófonos de contacto, nas que incorporaremos todo tipo de elementos que nos axuden a experimentar 
con distintas sonoridades e lograr transformalas en instrumentos rnusicais únicos e con 
personalidade propia. Para elo será tamén fundamental a exploración de distintas alternativas 
plásticas que nos axuden a convertilas en pezas artísticas.
 

1. INTRODUCCION Á ARTE SONORA E A EXPERIMENTACION

- A arte Sonora e as vangardas do século XX (Esculturas sonoras, música experimental e 
autogenerativa)
- O Paisaxismo Sonoro: A Escucha Atenta e a Gravación de Campo (Tipos de escoita)
- O deseño sonoro: Introdución
- Tipos de microfonía e usos, do convencional ao experimental.
- Gravadores, como rexistrar o son.
- Aplicacións prácticas e construcción dun micrófono de contacto (piezoeléctrico)

2. EXPRESION SONORA

- Características e Calidades do son
- A linguaxe sonora
- Ruído e silencio: Usos expresivos
- Formas sonoras simples e complexas: Contorno e textura
- A Dimensión propia do Son
- A audiovisión: Son para a Imaxe.
- Efectos Sonoros

3. POESIA OBXECTUAL E LINGUAXE PLÁSTICA

4. CONSTRUCIÓN DAS CAIXAS

- Parte práctica na que se materializará a realización das caixas, experimentando con distintas 
formas e materiais, aplicando o contido teórico do curso.

5. EXPLORACION CREATIVA

- Na última parte do curso poñeremos en común todo o aprendido, de forma práctica, para ver como 
poder chegar a procesos creativos artísticos e expansivos. Propoñeranse varios exercicios nos que 
traballar e poñer en práctica os coñecementos adquiridos.