OBXECTIVOS E TEMÁTICA DO CURSO

• Reflexionar sobre o papel que a crítica e a teoría literaria feministas xogan nos estudos literarios actuais e sobre o noso rol como lectoras.
• Realizar unha aproximación ás principais críticas e teóricas dos estudos literarios feministas, a través da exposición das súas principais ideas e traballos críticos.
• Desenvolver ferramentas para a análise de obras literarias dende unha perspectiva feminista.

Docente: Antía Fernández Martínez.

Para consultar a qué colectivo pertence, a efectos de descontos en actividades de extensión universitaria prema no seguinte enlace Colectivos Universidade de Vigo

Recoñecemento de créditos: Ao remate do curso entregarase un diploma acreditativo (asistencia obrigatoria ao 85 % das horas) con recoñecemento de 1 crédito ECTS para as ensinanzas de grao por cada 30 horas. O estudantado solicitará o recoñecemento de créditos no centro onde se imparta a titulación na que pretenda validar esas horas, presentando o certificado/diploma de aproveitamento da actividade.

• Introdución: sobre a individualidade, o doméstico, o acceso á escritura e o perigo do relato único.
• Que son a crítica e a teoría literaria feminista? Conceptos clave e antecedentes (Virginia Woolf).
• Crítica literaria feminista (escola anglosaxoa): Política sexual de Kate Millet, o nacemento da xinocrítica (Ellen Moers e Elaine Showalter) e a “tola do desván” de Gubar e Gilbert.
• Crítica literaria feminista (escola anglosaxoa): sobre como acabar coa escrita das mulleres (Joanna Russ), as “imaxes de mulleres” e a crítica á crítica de Lorde e Anzaldúa.
• Teoría literaria feminista (escola francesa): unha introdución e algúns conceptos previos (Saussure, Derrida, Lacan).
• A teoría literaria feminista e o debate en torno á “escritura feminista” (Irigary, Cixous, Kristeva).
• Monique Wittig (Linguaxe e pensamento heterosexual) e algunhas reflexións en torno ao  particular e o universal.
• As narrativas do “eu” e o seu diálogo co feminismo: a importancia do relato, o problema inherente a (auto)rrepresentación, a escritora, a lectora e a dicotomía obra-autor.
• As narrativas do “eu” e o seu diálogo co feminismo: exemplos literarios (autobiografía, memoria, autoficción, xogos, especulares e narracións da resistencia).
• Reflexións en torno ao canon: construcción, cuestionamento e…ruptura?