Duración do Obradoiro:

30 horas repartidas entre saídas de campo (15 horas) e parte teórica (15 horas).

Obxectivos principais:

• Aprender a recoñecer a identificar especies de árbores.
• Coñecer especies autóctonas e alóctonas e as razóns da súa introdución.
• Coñecer especies comestibles e propiedades nutracéuticas.
• Analizar outras posibles aplicacións e implicacións das especies arbóreas.

Metodoloxía:

• Sesións teóricas: ensinar conceptos teóricos sobre árbores e arbustos arborescentes, coñecer as súas aplicacións en diferentes ámbitos da vida cotiá, así como a relación destes organismos co ser humano ao longo da historia (alimentación,medicina, usos ornamentais e forestais). Ensinar o emprego de diferentes ferramentas para a identificación práctica das árbores e arbustos arborescentes coma as lupas ou as chaves de identificación.
• Saídas de campo: revisar e identificar exemplares in situ dos explicados nas sesións teóricas.
  • Observación: para as sesións de campo será preciso que o alumando teña capacidade de desprazamento aos distintos lugares das actividades (nivel intraprovincial)
• Traballo na aula: parte das sesións terán  parte teórica en aula  ou laboratorio sobre diferentes usos das Árbores e Arbustos.

Avaliación:

• Realizarase control de asistencia ás clases.
• Proba final na última sesión do curso.

Docentes:  Adrián Melón Raña, Gabriel Pérez Torrón e Hugo Fernández Ricón.

Para consultar a qué colectivo pertence, a efectos de descontos en actividades de extensión universitaria prema no seguinte enlace Colectivos Universidade de Vigo

Recoñecemento de créditos: ao remate do curso entregarase un diploma acreditativo (asistencia obrigatoria ao 85 % das horas) con recoñecemento de 1 crédito ECTS para as ensinanzas de grao por cada 30 horas. O alumnado solicitará o recoñecemento de créditos no centro onde se imparta a titulación na que pretenda validar esas horas, presentando o certificado/diploma de aproveitamento da actividade.

• Introdución á botánica e á identificación de especies arbóreas.
• A flor, tipos e diagramas florais.
• Especies arbóreas con usos alimentarios.
• Especies arbóreas con usos medicinais.
• Especies arbóreas con usos forestais.
• Especies arbóreas con usos ornamentais.
• Os perigos das especies invasoras.
• Pragas e patóxenos comúns.