Duración do Obradoiro: 30 horas.

Obxectivos principais:

• Proporcionar ao alumnado coñecementos e destrezas básicas para iniciarse no cultivo de cogomelos.
• Coñecer os cogomelos cultivables máis comúns, as súas metodoloxías de cultivo e a lexislación pertinente.
• Adquirir habilidades no cultivo de cogomelos saprotróficos na contorna doméstica.
• Analizar as posibles aplicacións derivadas do cultivo de cogomelos.
• Ampliación dos coñecementos impartidos ao longo de certas materias do Grao en Bioloxía

O obradoiro centrarase no cultivo práctico de varias especies de cogomelos de interese gastronómica. Para isto, aportaranse ao alumno os coñecementos teóricos necesarios, así como todo o material preciso para desempeñar o cultivo coa guía do persoal docente do obradoiro.

Constará de 30 horas, das cales 9 horas serán dedicadas á realización práctica das diferentes fases de cultivo de cogomelos e 21 horas de docencia teórica.

Docentes: María Cabaleiro Alfaya, Hugo Fernández Ricón e Adrián Melón Raña.

Para consultar a qué colectivo pertence, a efectos de descontos en actividades de extensión universitaria prema no seguinte enlace Colectivos Universidade de Vigo

Recoñecemento de créditos: ao remate do curso entregarase un diploma acreditativo (asistencia obrigatoria ao 85 % das horas) con recoñecemento de 1 crédito ECTS para as ensinanzas de grao por cada 30 horas. O alumnado solicitará o recoñecemento de créditos no centro onde se imparta a titulación na que pretenda validar esas horas, presentando o certificado/diploma de aproveitamento da actividade.

• Cultivo de cogomelos: especies, parámetros, fases, medios e substratos
• Medidas de asepsia e esterilización para traballo con micelios
• Preparación de medios de cultivo: placa, gran, paca e tronco
• Contaminantes, infeccións e patóxenos
• Lexislación vinculada cos cogomelos cultivables
• Micorrizas e o seu papel no ecosistema
• Explotación micolóxica forestal
• Nutracéutica e introdución á micogastronomía