Este curso céntrase en analizar as posibilidades publicitarias que ofrecen as redes sociais para 
marcas, produtos e servizos de todo tipo de empresas e organizacións. Do mesmo xeito que moitos 
medios convencionais se converteron (e mesmo naceron) como medio publicitario, as redes sociais 
constitúen  hoxe un vehículo fundamental  para a comunicación persuasiva e comercial e, en moitos 
casos, garanten a súa supervivencia grazas aos ingresos publicitarios.

O curso de "Social Ads: publicidade en redes sociais (Meta e TikTok) está dirixido a formar 
profesionais, dun xeito esencialmente práctico, no desenvolvemento deste tipo de campañas para que, 
unha vez rematado o curso, poidan desenvolver campañas de publicidade en redes sociais de maneira 
autónoma.

Os obxectivos e resultados de aprendizaxe que se pretenden acadar ao longo do curso son:
- Dominar os procesos e formatos de publicidade en redes sociais, así como as modalidades de 
contratación.

- Preparar contido creativo e deseñar e planificar campañas de publicidade en redes sociais (SMA) 
que respondan ao briefing do anunciante.

- Aplicar análises críticas para propoñer novas estratexias na xestión da presenza das marcas nas 
redes sociais.

- Identificar e aplicar estratexias de creac1on, produción e viralización de contidos adecuadas a 
cada tipo de proxecto, que respondan a obxectivos e públicos específicos e optimicen os resultados.

- Aprender a linguaxe (publicitaria) das redes sociais.

- Incorporar a análise da diversidade (social, económica, cultural, funcional, política, 
lingüística e de xénero) na práctica académica e profesional.
 

1. Creación dunha estratexia de Social Ads
2. Creatividade e contidos axeitados para a publicidade en liña
3. Publicidade en Meta:
-Meta Ads: Business Manager, Business Suite e Meta Ads Manager.
-Meta Ads: Canles: Facebook, Instagram e Whatsapp
-Meta Ads: Creación, tipos e optimización de campañas
-Meta Ads: Medición e análise de resultados
-Meta Ads: Práctica: montando campañas en Meta Ads Manager
4. Publicidade en TikTok:
-TikTok Ads: Que é e como funciona
-TikTok Ads: Business Center + TikTok Ads Manager
-TikTok Ads: Práctica: montando campañas en TikTok Ads Manager