Este curso ten unha duración de 30 horas.
Descrición: A biodiversidade ambiental é fundamental para manter o equilibrio dos ecosistemas e garantir a saúde do planeta. Con todo, actualmente enfrontamos diversos retos que poñen en perigo esta diversidade, como a deforestación, a contaminación e o cambio climático. Todo iso implica que no futuro deberase de compatibilizar o desenvolvemento económico eficiente coa conservación do medio ambiente. No presente curso tratarase de avaliar dende unha perspectiva científica a gran importancia que teñen elementos como a conservación da biodiversidade, a dispoñibilidade de recursos hídricos, etc, para preservar a biodiversidade e asegurar un desenvolvemento sostible para a sociedade do século XXI. Neste contexto, tentarase promover aptitudes fomentando un espírito crítico para unha educación e xestión ambiental e a súa influencia na natureza, destacando a gran protección que deben de ter os espazos naturais protexidos como a Reserva da Biosfera Transfronteiriza Gerés-Xurés.
No prezo do curso está incluido o aloxamento e a manutención, así como o desprazamento do primeiro día Ourense-Muiños e do último día Muiños-Ourense.
Director e docente: María Fernández González
Recoñecemento de créditos: ao remate do obradoiro entregarase un diploma acreditativo a cada participante que seguise polo menos un 85% das actividades programadas, con recoñecemento de 1 crédito ECTS para as ensinanzas de grao por cada 30 horas de traballo do estudante. O alumnado solicitará o recoñecemento de créditos na secretaría de alumnos da facultade onde se imparta a titulación na que pretenda validar esas horas, presentando o certificado/diploma do aproveitamento da actividade.
Para consultar a qué colectivo pertence, a efectos de descontos en actividades de extensión universitaria prema na seguinte ligazón: Colectivos Universidade de Vigo
- O concello de Muíños: O medio ambiente como patrimonio
- Valores ambientais asociados aos recursos hídricos do Xurés
- Gerês / Xurés os 30 anos do Parque Natural
- As Reservas da Biosfera como ferramentas de protección da natureza
- Variabilidade e cambio climático en Galicia: Efectos concretos na área xeográfica Xurés-Gerês
- Visita ao Parque Natural e ao pobo de Salgueiros: Itinerario botánico, faunístico e xeomorfolóxico
- O turismo termal e o medio ambiente
- Marco da xestión do recurso hídrico en España
- Flora e vexetación da Reserva da Biosfera Transfronteiriza Gerês-Xurés
- Especies exóticas invasoras e desenvolvemento sostible: un reto ou unha oportunidade?