O tradicional Concerto de Nadal da Universidade de Vigo terá lugar este ano no  Pazo da Cultura de Pontevedra (rúa de Alexandre Bóveda, s/n, 36005 Pontevedra)

A asistencia a este concerto será por invitación (cada persoa terá dereito a dúas invitacións)

Se precisas autobús para asistir dende Ourense ou Vigo preme AQUÍ

ORQUESTA CLÁSICA DE VIGO

Pazo da Cultura de Pontevedra

Mércores, 13 de decembro, ás 20. 30 h

Programa

Solista: Severino Manuel Ortiz Rey (piano)

Dirixe: Manuel Martínez Álvarez-Nava

Wolfgang Amadeus Mozart (1756-1791)

Concerto para piano e orquestra en re menor núm. 20 KV466 (1785)

Charles Gounod (1818-1893)

Marcha fúnebre dunha marioneta (1872)

Federico Chueca (1846-1908)

Jota de los barquilleros «Agua, azucarillos y aguardiente» (1897)

Johann Strauss (1825-1899)

Pizzicato-Polka (1869)

Schatz-Walzer, op. 418 (1885)

BIOGRAFÍAS

Orquesta Clásica de Vigo

A Orquesta Clásica de Vigo naceu en 1984. É a formación máis antiga de Galicia e

aposta dende os seus comezos pola formación e pola innovación nos formatos. Polos

seus atrís pasaron máis de 300 músicos e moitos deles son, a día de hoxe, artistas de

primeiro nivel en orquestras nacionais e internacionais.

Nos seus 39 anos de historia, as obras interpretadas cóntanse por centos e, nos últimos

anos, realizou propostas de danza, cine en directo, bandas sonoras, propostas actuais e

obras consagradas. A Orquesta Clásica de Vigo non entende de estilos ou de etiquetas na súa programación, que se presenta como un espazo aberto de debate co que realizar

novas propostas e atraer públicos distintos aos da música clásica tradicional.

Manuel Martínez Álvarez-Nava | Director titular e artístico

Naceu en Oviedo. Foi discípulo do mestre Alfonso Ordieres Rivero e estudou violín e viola no Conservatorio Superior de Asturias. Posteriormente, ampliou os seus estudos de viola con Enrique Santiago. Tamén estudou dirección de orquestra co mestre Jacques Bodmer, discípulo do lendario mestre Hermann Scherchen.

Dende o curso 1983/1984 é catedrático de violín no Conservatorio Superior de Música de Vigo e director titular da Orquesta Clásica de Vigo desde a súa creación en 1984.

Severino Manuel Ortiz Rey | Piano

Naceu en Pontevedra. Recibiu a súa máis apreciada e valiosa formación pianística da profesora Vladimira Smausová. Tras obter os títulos superiores de Piano e Música de Cámara no Conservatorio Superior de Música de Vigo, completou a súa formación na Academia Superior de Música e Artes Escénicas de Praga (República Checa) coa profesora Dagmar Simonková e co profesor Frantisek Maly (1998-2000).

Como solista, colaborou coas orquestras Vigo 430, Clásica de Vigo e Filharmónica de Pontevedra. Desde 2003 forma un dúo estable co seu amigo, o tenor José Antonio Campo Edesa, con quen ofreceu recitais en diferentes cidades de España e do estranxeiro.

Na súa faceta de músico de cámara, goza colaborando habitualmente co Ensemble Vigo 430 e tocando con solistas como Rusanda Panfili, Lir Vaginsky, Lea Hennino, Cristina Goicea e Sindy Mohamed. Non menos importante son os proxectos realizados co violinista Mario Peris e o clarinetista Roberto Noite.

Foi profesor de piano no Conservatorio Profesional de Música de Lugo (2001-2004) e desde o ano 2004 é pianista acompañante no Conservatorio Superior de Música de Vigo.