1.- Distancia: 19 km

2.- Itinerario: Campus Sur Ourense, Mende, Castro de Santomé, Castadón, Pereiro de Aguiar, Cachamuíña, Monte da Chaira, Loñoá, Covas, San Pedro de Rocas.

3.- Dificultade: media.

4.- Descrición: 

Nesta ruta na entrada da Ribeira Sacra do Miño cada pedra agocha unha mensaxe aínda sen descifrar. O vestixio que visitaremos será o mosteiro de San Pedro de Rocas, no municipio de Esgos. A orixe como centro relixioso vincúlase a un eremitorio escavado na roca, e considérase a evidencia máis remota do monacato en Galicia. A data de fundación do mesmo sitúase no ano 573, data que aparece gravada nunha inscrición ou epígrafe coñecido como lapida fundacional. Segundo a lápida, este mosteiro de Rocas foi herdado por monxes anacoretas, que elixiron esta contorna de Esgos, situado a 650 m de altitude, para retirarse a unha vida austera e de oración. A ruta inclúe un magosto festivo ao rematar.

5.- Inscricións: as inscricións estarán abertas de xeito exclusivo para a comunidade universitaria ata o luns anterior a cada ruta. No caso de quedar prazas libres, o martes, mércores e xoves anteriores a cada ruta permitirase a inscrición de calquera persoa interesada. 

6.- Outra información xeral de interese:

- Idade mínima: 16 anos

- Cada ruta realizada recoñecerase con 7,5 h ECTS por día de duración.

- Haberá autobuses para trasladar as persoas participantes ao inicio de cada ruta dende os campus de Ourense (Cafetería Perla), Pontevedra (Praza de Galicia, nº 5) e Vigo (rúa do Areal, nº52).

- Equipo aconsellable para todas as rutas: mochila pequena con chuvasqueiro, paraugas, apósitos para as bochas, muda completa (outros calcetíns), navalla, cantimplora ou similar e, a partir do mes de marzo, viseira ou gorra. Para todas as rutas as persoas participantes levarán a súa comida (bocadillos, froita, froitos secos, bebidas, etc.).

- Todos os itinerarios para GPS poderán descargarse, xunto coas fotografías de cada ruta e toda a información complementaria, no blogue http://roteirosuvigo.blogspot.com e no Facebook: Rutas Culturais da Universidade de Vigo.