1.- Distancia: 16 km.
2.- Itinerario: Tourón, Mosteiro Sta. María de Melón, Penavaqueira, Prexigueiro, Termas.
3.- Dificultade: Media - baixa.
4.- Descrición: Nesta primeira etapa estrearemos a temporada cunha ruta de baixa dificultade. Polo concello de Melón discorre o río Cerves que desde o seu nacemento na Serra de Faro de Avión ata a súa desembocadura está cheo de lugares fermosos. Fervenzas, pozas, vales, caldas, todo iso ata a súa mestura co gran río, o Miño, en Prexigueiro..
A ruta inclúe entrada ás Termas de Prexigueiro e paradas interpretativas a cargo de persoal especializado ao longo do percorrido.
5.- Inscricións: as inscricións estarán abertas de xeito exclusivo para a comunidade universitaria ata o luns anterior a cada ruta. No caso de quedar prazas libres, o martes, mércores e xoves anteriores a cada ruta permitirase a inscrición de calquera persoa interesada.
6.- Outra información xeral de interese:
- Idade mínima: 16 anos
- Cada ruta realizada recoñecerase con 7,5 h ECTS por día de duración.
- Haberá autobuses para trasladar as persoas participantes ao inicio de cada ruta dende os campus de Ourense (Cafetería Bekas), Pontevedra (Praza de Galicia, nº 5) e Vigo (rúa do Areal, nº46).
- Equipo aconsellable para todas as rutas: mochila pequena con chuvasqueiro, paraugas, apósitos para as bochas, muda completa (outros calcetíns), navalla, cantimplora ou similar e, a partir do mes de marzo, viseira ou gorra. Para todas as rutas as persoas participantes levarán a súa comida (bocadillos, froita, froitos secos, bebidas, etc.).
- Todos os itinerarios para GPS poderán descargarse, xunto coas fotografías de cada ruta e toda a información complementaria, no blogue http://roteirosuvigo.blogspot.com e no Facebook: Rutas Culturais da Universidade de Vigo.