O obradoiro ten unha duración total de 30 horas.

O alumnado adquirirá as seguintes capacidades:

• Saber apañar e transportar cogomelos para a súa identificación.
• Coñecer as características implicadas na identificación de cogomelos.
• Coñecer as principais especies tóxicas, intoxicacións e tratamentos.
• Coñecer as principais especies comestibles, propiedades nutracéuticas e tratamento na cociña.
• Analizar outras posibles aplicacións antrópicas derivadas do uso dos cogomelos.

O alumnado precisará ter coñecementos básicos no emprego de correos electrónicos.
Para as saídas de campo, recoméndase dispor de roupa e calzado apropiados. As mesmas realizaránse no Campus de Vigo (Lagoas-Marcosende) e o alumnado debe de ter unha mobilidade suficiente que lle permita
desprazarse con seguridade en contonas naturais e con chan irregular.

Docentes: Paula Estévez Caride, María Cabaleiro Alfaya, Gabriel Pérez Torrón, Tixiana Albizúa Cabaleiro

Para consultar a qué colectivo pertence, a efectos de descontos en actividades de extensión universitaria prema no seguinte enlace Colectivos Universidade de Vigo

Recoñecemento de créditos: Ao remate do obradoiro entregarase un diploma acreditativo (asistencia obrigatoria ao 85 % das horas) con recoñecemento de 1 crédito ECTS para as ensinanzas de grao por cada 30 horas. O alumnado solicitará o recoñecemento de créditos no centro onde se imparta a titulación na que pretenda validar esas horas, presentando o certificado/diploma de aproveitamento da actividade.

● Introdución á Macromicoloxía
● Normativa galega para a apaña de cogomelos silvestres
● Manexo de claves de identificación de cogomelos (claves
tradicionais e Mycokey)
● Amanitas e cogomelos semellantes
● Boletus e cogomelos semellantes
● Cantharellus e Craterellus e cogomelos semellantes
● Lactarius e cogomelos semellantes
● Macrolepiotas e cogomelos semellantes
● Outros cogomelos de interese
● Micetismos e o seu tratamento
● Nutracéutica e introdución á micogastronomía