Aula Permanente de Música Tradicional Galega-Campus de Pontevedra -

Obxectivos e temática:

1. Consolidar o Grupo de Música Tradicional da Aula Permanente, como un grupo musical formado, principalmente, pola comunidade universitaria e cualificado para facer actuacións de diversa índole. Os seus variados formatos (gaitas e percusión, zanfonas, acordeóns etc.) fan que sexa moi versátil para diferentes tipos de actos.

2. Continuidade na aprendizaxe e mellora dos instrumentos que se ofertan neste obradoiro. Ampliar os coñecementos dos instrumentos, que xa se empregan e mellorar tanto o seu manexo como complementar a formación coa aproximación a outros instrumentos relacionados.

3. Captación de novo alumnado para aumentar e enriquecer as posibilidades deste proxecto educativo musical.

1. Grupo de gaitas e percusión. O seu traballo xirará sobre todo para a súa proxección pública, pois búscase fomentar a súa actuación en celebracións do ámbito universitario e extrauniversitario. Isto redundará na visibilidade do grupo e espertará o interese pola aprendizaxe dos instrumentos musicais de noso, ademais de consolidar o repertorio aprendido e amplialo con outros temas universitarios, caso do “Gaudeamus”.
2. Grupo de zanfonas. A formación dirixirase a consolidar o grupo actual de 5 zanfonas, así como se buscará a súa proxección como grupo versátil e manexable para actos, nos que a gaita ou a percusión non sexan axeitados. Consolidaremos o repertorio folclórico actual e ampliarémolo do mesmo xeito que no grupo de gaitas e percusión.
3. Outros instrumentos. Trataranse de integrar outros instrumentos nos dous grupos, ademais de consolidar un terceiro que xa está en marcha (percusión miúda, acordeóns e ocarinas).