Habilidades Maker para educación con Escornabot: Robótica educativa, deseño e impresión 3D e Programación
Coñecer, valorar e reflexionar sobre as posibilidades Maker en Educación.
Promover DIY (o faino ti mesma).
Reflexionar sobre as posibilidades da robótica educativa como contexto de aprendizaxe e para o lecer.
Coñecer, comprende e reflexionar sobre as posibilidades da robótica, o deseño e impresión 3D como tecnoloxías de apoio á diversidade (alumnado con dificultades e persoas con diversidade).
Iniciarse no deseño e impresión 3D.
Iniciarse na electrónica e na programación.
Crear e montar un Escornabot DIY.
Experimentar co Robot Escornabot en diferentes escenarios e actividades.
O obradoiro ofrece á comunidade universitaria un espazo para desenvolver habilidades Maker
poñendo o foco no ámbito educativo. Un espazo para a reflexión e construción conxunta
no que a tecnoloxía se convirte nun contexto para a mellora da práctica docente.
Trátase dunha proposta que contribúe de forma xeral ao obxectivo 4 da Axenda 2030,
pois se busca unha educación de calidade, cunha perspectiva inclusiva, equitativa e
democrática. Ademais coa realización deste obradoiro contribúese tamén a alcanzar as metas
doutros tres ODS: 1) O 5.b, na medida en que se ofrecen referentes femininos que serven
de modelo e contribúen á visibilidade e, por tanto, transferencia destas prácticas. 2) O
10.2 e 10.3, xa que se promove o pensamento crítico, así como estratexias de
resolución de problemas que favorecen a autosuficiencia, autonomía, independencia e
liberade a través dun proxecto aberto e libre que ofrece un acceso democrático ao
coñecemento de forma que se orienta á inclusión social e á igualdade de oportunidades
adentrándose en novas linguaxes e habilidades que permiten comprender o mundo de forma
complexa e participar no mesmo. O 12.5, na medida en que a cultura maker, como o Proxecto
Escomabot (Open Hardware e Software Libre), aséntase sobre a necesidade de consumo responsable,
onde se promove o reducir e utilizar reparando os dispositivos por unha mesma,
creando variantes de segunda man e reemprazando pezas deseñadas en 3D e impresas,
promovendo unha produción e consumo sostibles.
Para a sesión Síncrona-Online será preciso contar contar con:
Ordenador persoal (Windows, Linux ou MacOS) cun rato de dous botóns e roda central, no que
se poidan instalar as seguintes ferramentas libres e gratuítas:
• FreeCAD (versión 0.19)
• Arduino IDE (versión 1.8.x)
• mBlock (versión 3.5)
Conexión a internet (suficiente para poder facer video-conferencia, descargar e acceder ás páxinas
necesarias)
|