1.- Que é: Con motivo da festividade de Santa Bárbara, patroa da Escola de Enxeñaría de Minas e Enerxía, o vindeiro día 3 de decembro de 2021 ás 12:00 h celebrarase a XI Carreira Popular Santa Bárbara organizada pola Delegación do Alumnado de dita escola.
2.- Quen pode participar: A carreira está aberta ás persoas da comunidade universitaria e tamén ás persoas externas (maiores de idade).
3.- Distancia e circuíto: O percorrido ten unha lonxitude total aproximada de 5000 m polo circuíto de terra do campus Lagoas - Marcosende. A saída do circuíto será na parte sur do mesmo, e en sentido horario.
4.- Como inscribirse: As inscricións efectuaranse exclusivamente a través desta web. O prazo estará aberto ata as 23:59 h do mércores 1 de decembro.
5.- Achega solidaria: Para participar cómpre achegar 1 kg de alimento non perecedoiro o mesmo dia da proba. Esta realizarase na liña de meta no momento da recollida de dorsais.
6.- Acreditación e recollida de dorsais: A recollida de dorsais e de camisetas realizarase o propio día da carreira na liña de meta ata 20 minutos antes do comezo. Propoñémos participar na carreira coa camiseta de agasallo.
7.- Premios e agasallos: Entregarase un trofeo ás 3 primeiras persoas clasificadas nas diferentes categorías: absoluta e interna da Escola de Enxeñaría de Minas e Enerxías (masculinas e femininas).
8.- Outra información de interese: As persoas participantes poderán empregar os vestiarios adxacentes para mudarse antes e despois da proba.
9.- Mais información e contacto - Web da Eventos da Escola de Minas (http://minaseenerxia.uvigo.es/es/comunicacion/eventos) - Correo electrónico:eme.delegacion@uvigo.es - Facebook:@escuelaminasyenergiavigo - Twitter: @daminasvigo - Instagram: @daminasenerxia