A formación realizarase en distintos balnearios galegos, e conta coa colaboración dos profesionais da medicina, fisioterapia e actividades físicas que habitualmente exercen a súa actividade profesional nos centros termais.

Os obxectivos do curso son:

• Adquirir os coñecementos básicos sobre os distintos tipos de augas e os seus beneficios.
• Familiarizarse coas diferentes augas mineromedicinais galegas e as súas indicacións.
• Coñecer os balnearios galegos e o seu funcionamento, dende un punto de vista da saúde e do benestar.
• Coñecer os produtos derivados das augas mineromedicinais e mariñas, ademáis dos seus beneficios e indicacións (coma peloides termais, vapores...).
• Vincular o termalismo coa saúde e hábitos de prevención e benestar.
• Realizar prácticas de aplicación de augas mineromedicinais e peloides termais.

O curso consta de conferencias, mesas redondas e debates, e prácticas sobre os temas tratados nas conferencias. As actividades celebraranse nos balnearios de O Carballiño, Laias, Mondariz, Balneario de Acuña e Talaso Atlántico.

Recoñecemento de créditos: Ao remate do curso de extensión entregarase un diploma acreditativo (asistencia obrigatoria ao 85% das horas) con recoñecemento de 1 crédito ECTS para as ensinanzas de grao por cada 30 horas. O alumnado solicitará o recoñecemento de créditos no centro onde se imparta a titulación na que pretenda validar esas horas, presentando o certificado/diploma de aproveitamento da actividade.

• Termalismo. Actualidade e experiencias.
• Talasoterapia.
• Augas mineromedicinais e outros produtos termais.
• Benestar e turismo de saúde.
• Técnicas termais.
• Mecanismos de acción e indicacións dos produtos termais.