1.- Distancia: 15-20 km.
2.- Dificultade: media-alta.
3.- Notas específicas sobre a ruta: A lagoa de Sanabria, de orixe glaciar, é o sistema lacustre natural de maiores dimensións de España e un dos máis grandes de Europa. Nun percorrido circular descubriremos as pegadas xeolóxicas aínda visibles daquel momento. Obrigatoria roupa apropiada para climatoloxía e condicións de montaña.
4.- Inscricións: - As inscricións estarán abertas de xeito exclusivo para a comunidade universitaria ata o luns anterior a cada ruta. No caso de quedar prazas libres, o martes, mércores e xoves anteriores a cada ruta permitirase a inscrición de calquera persoa interesada. As persoas menores de idade deberán ir acompañadas sempre dun adulto/a responsable. - Existe tamén a posibilidade de adquirir bonos de 5 rutas a un prezo máis reducido ainda que estas persoas deberán inscribirse igualmente ás diferentes rutas ás que vaian a aistir para confirmar a súa praza. Estes bonos non inclúen a última ruta de dous dias.
5.- Outra información xeral de interese:
- Cada ruta realizada recoñecerase con 7,5 h ECTS por día de duración.
- Haberá autobuses para trasladar as persoas participantes ao inicio de cada ruta. Saída ás 8.00 dende Nakasa Interiorismo na praza de Galicia de Pontevedra e ás 8.25 da rúa Areal nº46 de Vigo. Saída ás 9.00 dende a Cafetería Bekas de Ourense.Reunión dos tres campus no Hotel Meleiros (Puebla de Sanabria) ás 11.15.
- Equipo aconsellable para todas as rutas: mochila pequena con chuvasqueiro, paraugas, apósitos para as bochas, muda completa (outros calcetíns), navalla, cantimplora ou similar e, a partir do mes de marzo, viseira ou gorra. Para todas as rutas, agás a 4, as persoas participantes levarán a súa comida (bocadillos, froita, froitos secos, bebidas, etc.).
- Todos os itinerarios para GPS poderán descargarse, xunto coas fotografías de cada ruta e toda a información complementaria, no blogue http://roteirosuvigo.blogspot.com e no Facebook: Rutas Culturais da Universidade de Vigo.