O obradoiro terá unha duración total de 30 horas (27 horas de docencia e 3 horas de traballo persoal do alumnado).
O obxectivo deste obradoiro é achegar ao alumnado unha selección de clásicos da música rock que, no que respecta á composición musical e no relativo ás letras, confórmanse como fitos da historia da música rock e pop contemporánea. Cada sesión tratará de xeito monográfico, un a un, os 9 álbumes, así coma o contexto histórico e ideolóxico de produción e recepción. Polo tanto, tamén se afondará na repercusión social destas obras clave da música popular. Analizaranse os temas de cada disco polo miúdo dende o punto de vista técnico e poético, e poranse en relación cos traballos de artistas coetáneos. En cada clase, Óscar Avendaño guiará a exposición e interpretará en directo algúns dos temas abordados na parte máis teórica, tanto en solitario como en colaboración co alumnado con coñecementos musicais. O obradoiro tamén contará con artistas invitados que exporán a súa experiencia a partir deses fitos musicais destacados en cada unha das sesións.
Docentes: Susana Rodríguez Barcia e Óscar García Avendaño.
Para consultar a qué colectivo pertence, a efectos de descontos en actividades de extensión universitaria prema no seguinte enlace Colectivos Universidade de Vigo
Recoñecemento de créditos: Ao remate do obradoiro entregarase un diploma acreditativo (asistencia obrigatoria ao 85 % das horas) con recoñecemento de 1 crédito ECTS para as ensinanzas de grao por cada 30 horas. O alumnado solicitará o recoñecemento de créditos no centro onde se imparta a titulación na que pretenda validar esas horas, presentando o certificado/diploma de aproveitamento da actividade.
Para consultar a qué colectivo pertence, a efectos de descontos en actividades de extensión universitaria prema na seguinte ligazón: Colectivos Universidade de Vigo
Este obradoiro ten unha duración de 30 horas.
Descrición: Achegamento á danza contemporánea e creación escénica fundamentalmente a través do corpo. Para todos os niveis. Proponse un obradoiro para a creación escénica utilizando como ferramenta principal o corpo e o movemento. Neste obradoiro traballarase unha peza escénica de 15 minutos que se poderá mostrar nos festivais universitarios de Ourense, Santiago e Coruña (custe dos desprazamentos para actuacións incluido na matrícula).
Directora e docente: Nuria Sotelo Rodríguez
Recoñecemento de créditos: ao remate do obradoiro entregarase un diploma acreditativo a cada participante que seguise polo menos un 85% das actividades programadas, con recoñecemento de 1 crédito ECTS para as ensinanzas de grao por cada 30 horas de traballo do estudante. O alumnado solicitará o recoñecemento de créditos na secretaría de alumnos da facultade onde se imparta a titulación na que pretenda validar esas horas, presentando o certificado/diploma do aproveitamento da actividade.
Este obradoiro ten unha duración de 60 horas.
Descrición: Construción do personaxe para unha posta en escena. A oportunidade de coñecer novos autores e estratexias teatrais en constante cambio é única e estimulante, queremos que sexa este tempo compartido e de creación na que xéneros e voces se darán unha aperta.
Director e docente: Fernando Dacosta Pérez
Recoñecemento de créditos: ao remate do obradoiro entregarase un diploma acreditativo a cada participante que seguise polo menos un 85% das actividades programadas, con recoñecemento de 1 crédito ECTS para as ensinanzas de grao por cada 30 horas de traballo do estudante. O alumnado solicitará o recoñecemento de créditos na secretaría de alumnos da facultade onde se imparta a titulación na que pretenda validar esas horas, presentando o certificado/diploma de aproveitamento da actividade.
Este obradoiro ten unha duración de 105 horas.
Descrición: Ensaios e posta en escena do espectáculo "Desequilibrios". O manicomio é o lugar onde van parar as persoas que son diferentes, que non encaixan nunha sociedade que busca o (seu) equilibrio para poder ter todo controlado de cara á produtividade. O tolo, o desequilibrado, é recluido e tratado co fin de recuperarse para esa sociedade: non debe saír dos cánones establecidos.
Esta é unha historia de forzas en oposición: as daquelas persoas que teñen o poder e queren perpetuarse nel e as que o cuestionan desde a súa loucura.
Director e docente: Fernándo Dacosta Pérez
Este curso consta de 30 horas que te guiarán por varias maneiras de integrar ingredientes botánicos nas túas bebidas durante cada estación do ano.
Nestas clases vámosche a aprender a facer algunhas preparacións base, feitas de plantas silvestres, liques e partes de arbores, así como a arte de mesturalas (mixoloxía) para a elaboración de diferentes cócteles e cócteles sen alcohol (mocktails), como xaropes vexetais, alcohois infundidos con plantas, amargos botánicos, azucres botánicos e sales, entre outros. Coñeceremos un pouco a bioquímica das plantas para comprender como funcionan os trucos para obter cores e consistencias interesantes nestas preparacións.
Tamén atoparás receitas de varios tipos de bebidas botánicas para gozar durante todo o ano. Ao final deste curso, saberás preparar receitas interesantes a partir das plantas, liques e arbores máis comúns que te rodean. Tamén terás unha lista de ingredientes botánicos que se usan habitualmente nas bebidas polo seu sabor, cor e/ou efectos fisiolóxicos no organismo, e saberás incorporar estes ingredientes botánicos nas túas receitas de mixoloxía botánica.
Cada clase, agás da primeira, novena e decima, comezamos cun roteiro o redor do Campus ou perto del, de aproximadamente hora e media, onde recollemos as plantas, partes de arbores (por suposto sen facer dano a arbore) e liques (recóllense de polas caídas) e onde tamén falamos de teoría (constituíntes e formas de extracción de cada vexetal escollido). Voltamos a aula e, na hora e media restante, preparamos as bebidas botánicas coa degustación posterior. As materias vexetais escollidas van depender da tempada polo que, agás dalgunhas, non se especifican no programa.
Docentes: César Lema Costas e Malgorzata Celina Dmitrenko
A duración do obradoiro é de 30 horas (27 h de clases teóricas e prácticas e 3 horas de traballo individual do alumnado)
Os principais obxectivos son: -Proporcionar ao alumnado coñecementos e destrezas básicas para iniciarse no cultivo de cogomelos. -Coñecer os cogomelos cultivables máis comúns, as súas metodoloxías de cultivo e a lexislación pertinente. -Adquirir habilidades no cultivo de cogomelos saprotróficos na contorna doméstica. -Analizar as posibles aplicacións derivadas do cultivo de cogomelos. -Ampliación dos coñecementos impartidos ao longo de certas materias do Grao en Bioloxía.
O obradoiro centrarase no cultivo práctico de varias especies de cogomelos de interese gastronómica. Para isto, aportaranse ao alumno os coñecementos teóricos necesarios, así como todo o material preciso para desempeñar o cultivo coa guía do persoal docente do obradoiro.
Docentes: Paula Estévez Caride, Hugo Fernández Ricón, María Cabaleiro Alfaya.
O obradoiro terá unha duración total de 30 horas (27 presenciais e 3 de traballo persoal do alumnado)
Os principais obxectivos son:
O obradoiro centrarase en que os asistentes aprendan conceptos teóricos sobre árbores e arbustos arborescentes e coñezan as súas aplicacións en diferentes ámbitos da vida cotiá, así como a relación destes organismos co ser humano ao longo da historia (alimentación, medicina, usos ornamentais e forestais). Ademais, tentarase que o alumnado aprenda a empregar diferentes ferramentas para a identificación práctica das árbores e arbustos arborescentes coma as lupas as chaves de identificación. Realizaranse nalgunhas sesións saídas de campo para revisar e identificar exemplares in situ dos xa explicados nas sesións teóricas. Parte das sesións terán tamén parte teórica en aula ou laboratorio sobre diferentes usos das Árbores e Arbustos. Haberá tamén traballo autónomo por parte do alumnado de elaboración dun herbario de árbores e arbustos de 5 pliegos que terán que estar identificados baixo os requerimentos explicados nas clases.
Docentes: Paula Estévez Caride, Hugo Fernández Ricón, Adrián Melón Raña, Gabriel Pérez Torrón.
Descrición: Trátase dun obradoiro fundamentalmente práctico no que se otorgan ferramentas para abordar a educación a través do corpo. O obradoiro é de especial interés para as profesionais de maxisterio, aínda que está dirixido ao público en xeral.
Enfócase na creatividade, a cultura, o lecer, as emocións, as relacións sociais e a saúde, entre outras. Este obradoiro conta con 5 horas de traballo persoal
Directora : Ana María Torrado Agrasar Docentes: Ainhoa Linaza Bao , Ana Mª Torrado Agrasar, Mª del Pino Diaz e Mikel Aristegui
Descrición: Obradoiro no cal se describen os principais obxectos de observación astronómica: lúas, planetas, estrelas, galaxías....., e as técnicas de observación máis habituais. O obradoiro poderá trasladarse ao martes seguinte se as condicións meteoroloxícas así o aconsellan. Haberá descanso ás 22 h.
Director: José Ramón Salgueiro Piñeiro
Descrición: O programa inclúe nocións da música patrimonial e tradicional, técnicas de gaita, tipos de dixitación, estudo do repertorio, afinación, ornamentación (percusión e combos instrumentais tradicionais).
Estes contidos están enfocados, tanto ao alumnado de iniciación como ao de perfeccionamento.
Director e docente: Gonzalo Abelairas
Requisitos asistencia: ter o instrumento a utilizar no obradoiro (gaita, pandeireta ou tambor)
Información de interese: aquelas persoas que realizaron o obradoiro do primeiro cuadrimestre "2023/708 Aula de música tradicional: Canto, percusión, gaita e baile tradicional galego" e desexen obter diploma polo obradoiro deste segundo cuadrimestre, terán que enviar un correo electrónico a extensión@uvigo.es
Duración do obradoiro: 30 horas.
Obxectivos xerais: traballar o coñecemento de zonas de baile e música diferentes para recoñecelos así como historia da música tradicional.
Obxectivos específicos:
Gaita: repertorio adaptado ao alumnado. Muiñeira de Freixido Pasodobre Galego A miña Rosiña
Pandeireta e canto: repertorio de zonas diversas e técnicas varias, así como dominar os ritmos básicos. Recoñecer e tocar xotas, muiñeiras e agarrados das zonas de O Condado e Serra do Candán, maneos e empuñadas de maior dificultade e repertorio con outros instrumentos como cuncha, lata e pandeira.
Baile: coñecer e recoñecer os ritmos básicos e as estruturas do baile tradicional, así como puntos de diversas zonas. Puntos e estruturas sinxelas da zona do Condado, puntos máis completos como os de maneo e ribeiranas, estruturas complexas e diversas como as de Ourense ou montaña de Lugo.
Coñeceremos repertorio especialmente pensado para o acto das Letras Galegas deste ano.
Docente: Álvaro Rodríguez Carballo
Tarifas: pode consultar a qué colectivo pertence, a efectos de descontos en actividades de extensión universitaria premendo no seguinte enlace Colectivos Universidade de Vigo
Recoñecemento de créditos: para as ensinanzas de grao, recoñécese 1 crédito ECTS por cada 30 horas de duración do obradoiro, para iso, ao remate da formación entregarase un diploma acreditativo ao que se terá dereito pola asistencia obrigatoria ao 85 % das horas totais do obradoiro. O recoñecemento de créditos terá que solicitarse no centro onde se imparta a titulación na que o alumnado pretenda validar esas horas, presentando o certificado/diploma de aproveitamento da actividade.
O obradoiro ten unha duración total de 30 horas.
O obradoiro pretende axudar ás diferentes persoas a organizar a súa finca para conseguir un maior entendemento do funcionamento dunha horta, así como as relacións que nela se dan para poder acadar mellores resultados.
Dende unha visión global achegarémonos ao mundo da agricultura orgánica explorando diferentes metodoloxías e aportando diferentes ferramentas que axuden a entender mellor o funcionamento das nosas terras de cultivo.
No obraodiro práctico de agricultura orgánica, ademáis das actividades que se propoñen no programa, vanse levar a cabo os traballos propios da época do ano na horta, colaborando co grupo de persoas que están a participar do proxecto de horta colectiva no campus de Vigo.
Docente: Jacobo Ojea Reyes
Importante: Dirixido soamente para as persoas que estiveron matriculadas no obradoiro do 1º cuadrimestre do curso 2023/2024 "2023/707 Iniciación ao teatro"
Duración: de 60 horas
Obxectivo: posta en escena do espectáculo SOÑO DUNHA NOITE DE VERÁN, de William Sakhespeare. Trátase de percorrer desde o punto de vista actoral dun xeito eminentemente práctico, todas as fases dun proceso de creación teatral, desde as primeiras lecturas do texto ata a representación diante do público, pasando pola creación do personaxe, o diálogo co vestiario, os obxetos e os elementos de escenografía.
Docentes: Casilda Alfaro e Sonia Rúa.