A Área de Benestar, Saúde e Deporte dispón dun servizo de aluguer de bicicletas BTT no pavillón universitario do Campus Lagoas - Marcosende.

Normas de uso xerais

- Podes acceder a este servizo a través do abono mUVer ou das entradas multideporte.

- A bicicleta préstase durante períodos máximos de 3 horas.

- O uso está limitado ás rutas e espazos próximos ao Campus Lagoas - Marcosende.

- Non está permitida a circulación de bicicletas no circuíto de carreira a pé.

- Debe facerse un uso correcto da bicicleta, hai que devolvela no mesmo estado de funcionamento no que se recibiu. De non ser así, aplicarase o establecido na normativa da Universidade.

- Ao finalizar a reserva, a persoa usuaria debe utilizar a mangueira sita na porta de entrada do pavillón para limpar a bicicleta antes de devolvela.

1.- Organiza: Delegación de Alumnado da Escola de Minas e Enerxía e Área de Benestar, Saúde e Deporte.

2.- Percorrido e distancia: Escola de Minas e Enerxía - Alto Monte do Galiñeiro (13 km)

3.- Dificultade: media -baixa.

4.- Persoas destinatarias: a actividade está dirixida a toda a comunidade universitaria da Universidade de Vigo (alumnado, PAS e PDI), comunidade alumni e colectivos vencellados á Uvigo.

5.- Punto e hora de encontro: ás 18.30 na porta de entrada da Escola de Minas e Enerxía.

6.- Outra información xeral de interese:

• Equipo obrigatorio para realizar a ruta: linterna de man ou frontal.
• Levar roupa cómoda, viseira ou gorra e calzado de trekking (preferiblemente) ou tenis. As persoas participantes levarán a súa comida e auga e bolsa para os lixos xerados.
• Haberá autobuses con saída dende a Escola de Minas as 23:00 para trasladar aos participantes de volta a Vigo, con tres paradas, Praza América, Praza de España e a Rúa Areal.

1.- Persoas destinatarias: Persoas con abono Muver ou cunha entrada multideporte.

2. Reserva de prazas: Deberase reservar previamente a praza para cada sesión. Esta reserva poderase facer por internet cunha antelación máxima de 3 dias e ata o momento de comezar a clase.

3. Especificidades: a escalada en bloque (ou boulder) consiste na ascensión de pequenas alturas, indoor ou en rocha, contando con colchonetas de protección. Trátase dunha variante da escalada máis física e atlética.

4. Material necesario: roupa deportiva cómoda e pés de gato. Os primeiros dias podes probar con zapatillas deportivas normais e xa despois, se decides continuar vindo regularmente, adquirir os teus propios pés de gato e tamén un bote de resina líquida.