O presente obradoiro ten como finalidade desenvolver competencias avanzadas para a mellora da convivencia no deporte base, integrando ferramentas de mediación, educación socioemocional, ciberconvivencia e intervención psicopedagóxica adaptadas aos contextos deportivos. A convivencia nas escolas deportivas e nos equipos de formación enfróntase a novos desafíos derivados da presión competitiva, das relacións entre deportistas, familias e adestradores/as, e da extensión dos conflitos ás contornas dixitais.

O obradoiro aborda estas problemáticas desde unha perspectiva aplicada, incorporando simulacións, análise de casos reais e estratexias prácticas de resolución pacífica. Ademais, inclúe unha actividade de aplicación real na que as persoas participantes elaborarán un micro-protocolo de convivencia adaptado á súa propia experiencia e ao contexto deportivo ou educativo no que desenvolvan a súa práctica, co obxectivo de fomentar climas de convivencia positivos e sostibles.

Módulo l. Convivencia e conflito no deporte base
•  Dinámicas sociais e competitivas nas etapas formativas.
•  Identificación de conflitos habituais en deportes de equipo.
•  Análise práctica de casos. Módulo II. Acoso e ciberacoso deportivo
•  Violencias verbais, simbólicas e dixitais no deporte.
•  Redes sociais, mensaxería e exposición pública.
•  Ciberhumillación e conflitos dixitais entre familias e deportistas. Módulo III. Mediación 
deportiva
•  Fundamentos da mediación en contextos deportivos.
•  Técnicas de comunicación e resolución pacífica.
•  Simulacións e role-playing en situacións reais de partido, adestramento e bancada.
Módulo IV. Intervención e aplicación real
•  Estratexias psicopedagóxicas de mellora da convivencia.
•  A cibermentoría no deporte base.
•  Elaboración dun microprotocolo de convivencia aplicable a un club.
•  Creación dun Kit de Convivencia Deportiva.