O Coro do campus de Pontevedra configurase como un espazo de encontro humanístico, artístico e 
formativo así como un punto de encontro interxeracional de toda a comunidade universitaria da UVigo 
e da cidadadía en xeral.
Un dos obxectivos é o de dar forma a un novo repertorio que se achegue tamén a novas tendencias 
musicais. Nese senso, as sesións que se desenvolven cada semana combinan un bloque inicial centrado 
na linguaxe musical como a preparación
dunha serie de pezas de diferentes épocas e estilos.
 

As persoas interesadas deberán enviar un correo electrónico a vic.pon@uvigo.gal no que indicarán o 
seu nome completo e apelidos, dni ou nie e o colectivo ao que pertencen. Achegarán un currículum 
relacionado con esta actividade.
O prazo de solicitudes será desde o día seguinte da publicación desta resolución reitoral no 
taboleiro de anuncios electrónico da Universidade de Vigo ata o 2 de outubro de 2025, ás 23.59 
horas (hora peninsular española). A presentación fóra de prazo supón a non admisión a trámite da 
solicitude.
Non se admitirán a trámite as solicitudes presentadas por outras vías.
 

SELECCIÓN:
A docente, con obxecto de garantir un nivel mínimo de calidade inicial, seleccionará de entre as 
persoas participantes aquelas que cumpran cos requisitos técnicos de acceso mediante unha proba que 
terá lugar o día 7 de outubro de 2025 ás 18.00 horas no Salón de Actos da Escola de Enxeñaría 
Forestal.

Rematada a proba, as persoas seleccionadas para o Coro do Campus de Pontevedra recibirán un correo 
electrónico indicándolles que deberán matricularse a través do
campusactivo.uvigo.gal no prazo indicado.