O obxectivo deste curso de iniciacion ao baile tradicional galego será dobre:

Por unha banda aprender o imprescindible para poder participar de maneira activa e divertida nunha foliada e pola outra, axudar a gañar forma física, xa que o baile é un exercicio físico aeróbico cunha certa esixencia. Así, achegarase á muiñeira e á xota, os dous ritmos soltos do noso baile tradicional. Aprender os seus pasos base: picados, cortes, pasos saltados, adiante-atrás, patadas e couces.

Coñecer as regras que rexen a combinación dos pasos base para convertelos en puntos, como se estrutura a muiñeira e a xota, coas súas similitudes e diferenzas.

Ao mesmo tempo, terán cabida neste curso os principais ritmos agarrados: o pasodobre e o valse, sen esquecer como se leva e como hai que deixarse levar.

Para saber de onde vén o que se aprende, proxectarase algún corte de recollidas realizadas polo territorio galego dende mediados da década dos oitenta ata a actualidade. Todas as sesións comezarán cun quecemento, irase subindo a esixencia física progresivamente, tendo sempre en conta a forma física das persoas participantes, e rematarase cos estiramentos imprescindibles e necesarios para evitar sufrir lesións ou dores musculares.

O curso impartirase en dúas sesións diarias de hora e media cada unha. A profesora encadrará ás persoas participantes en dous grupos, un de INICIACIÓN e outro de CONTINUACIÓN en función das súas habilidades e destrezas en baile tradicional galego.

1. Introducción ao baile tradicional galego

2. Introducción á muiñeira

3. Muiñeira II

4. Muiñeira III

5. Introducción á xota

6. Xota II

7. Xota III

8. Introducción ao pasodobre

9. Pasodobre II

10. PasodobreIII

11. Introducción ao valse

12. Valse II

13. Valse III

14. Proxección en ensaio

15. Ensaio libre

PRAZO MATRÍCULA:

BLOQUE I:

- Comunidade universitaria da UVigo (PTXAS, PDI e Alumnos e Alumnas) 10 PRAZAS. Desde as 9.00 horas do 17 de setembro ás 23.59 horas do 21 de setembro de 2025, (hora peninsular).

- Persoas que realizaron este obradoiro no segundo cuadrimestre do curso 2024-2025: 30 PRAZAS máis as vacantes do prazo anterior. Desde as 9.00 horas do 23 de setembro ás 23.59 horas do 28 de setembro de 2025 (hora peninsular).

No caso de quedar vacantes; todas as persoas en xeral. Desde as 9.00 horas do 30 de setembro ás  23.59 horas do 1 de outubro de 2025 (hora peninsular).

BLOQUE II:

- Comunidade universitaria da UVigo (PTXAS, PDI e Alumnos e Alumnas) 10 PRAZAS. Desde as 9.00 horas do 2 de febreiro ás 23.59 horas do 8 de febreiro de 2026, (hora peninsular).

- Persoas que realizaron este obradoiro no primeiro cuadrimestre do curso 2025-2026: 30 PRAZAS máis as vacantes do prazo anterior. Desde as 9.00 horas do 10 de febreiro ás 23.59 horas do 17 de febreiro de 2026 (hora peninsular).

No caso de quedar vacantes; todas as persoas en xeral. Desde as 9.00 horas do 20 de febreiro ás  23.59 horas do 24 de febreiro de 2026 (hora peninsular