O programa Ligas Universitarias inclúe diversas modalidades de deportes colectivos. O obxectivo deste programa é dar resposta ao interese polos deportes de equipo ao tempo que se fomentan valores como a deportividade e o compañeirismo.
O regulamento destas competicións inclúe un sistema de puntuación fair play que promove o xogo limpo e castiga a falta de deportividade.
1.- Procedemento de inscrición:
- A inscrición realizarase exclusivamente a través desta web.
- Para a inscrición nas Ligas Universitarias o delegado de equipo deberá facer o pago dunha taxa de 30€. Unha vez realizado o pago, o programa xerará un código co que se deberán de inscribir individualmente cada unha das persoas compoñentes do equipo.
- Os equipos deberán ter inscrito o número mínimo de xogadores/as establecido para cada modalidade deportiva antes da data de remate do período de inscrición ou quedarán excluídos da mesma.
- Poderase elixir horario de mañá ou tarde en función da conveniencia de cada equipo, entendendo como mañá o tramo horario comprendido entre as 10 e as 14 h. e como tarde o tramo entre as 14 e 16 h. (hora de inicio dos partidos)
- Os equipos estarán compostos exclusivamente por persoas pertencentes á comunidade universitaria da Uvigo.
- Cada xogador/a poderá inscribirse como máximo en dous equipos de distintas modalidades deportivas. En todo caso, a Área de Benestar, Saúde e Deporte non se responsabiliza das posibles incompatibilidades de horario daquelas persoas inscritas en mais dunha modalidade deportiva.
- Nesta competición os equipos poderán ser masculinos, femininos ou mixtos.
- Durante a Fase Final Intercampus, unha persoa soamente poderá participar nun único equipo da mesma modalidade deportiva.
2.- Lista de equipos inscritos e reclamacións:
A lista provisional de equipos inscritos publicarase ao día seguinte do remate do prazo de inscrición. Se algún equipo tivera feito a súa inscrición e non aparecera na lista publicada ao pé desta web, poderá facer unha reclamación por correo electrónico (depor-po@uvigo.es) nun prazo máximo de 48 h dende a publicación do citado listado.
3.- Xogadores/as sen equipo:
Aquelas persoas que non teñan equipo poden inscribirse na Bolsa de Xogadores/as sen Equipo para facilitar que os equipos xa inscritos se poñan en contacto con elas poidan fichalas para completar as súas plantillas.
4.- Sistemas de competición:
As competicións darán comezo, previa expresa autorización da Xunta, o 16 de novembro. Cada campus e cada modalidade deportiva terá o seu propio sistema de competición adaptado ao número de equipos finalmente inscrito. Ao pé desta web publicarase a información relativa ao sistema de competición de cada campus unha vez que finalice o período de inscrición.
Ao remate das fases de campus, os equipos mellor clasificados en cada modalidade deportiva competirán entre eles na Fase Final Intercampus en sede a determinar.
5.- Normativa da competición:
A competición rexerase polo Regulamente de Competicións Universitarias de Deportes Colectivos da Universidade de Vigo (pendente de actualización)
O programa Ligas Universitarias inclúe diversas modalidades de deportes colectivos. O obxectivo deste programa é dar resposta ao interese polos deportes de equipo ao tempo que se fomentan valores como a deportividade e o compañeirismo. O regulamento destas competicións inclúe un sistema de puntuación fair play que promove o xogo limpo e castiga a falta de deportividade.