O Campus de Vigo conta con cinco pistas de tenis para a práctica deportiva libre, os adestramentos do equipo federado da Uvigo e as clases da escola deportiva. As pistas 1 e 2 son de tenisquick e están sitas ao lado do campo de herba sintética. As pistas 3, 4 e 5 son de herba artificial e atópanse ao lado do pavillón universitario.
1.- Normas de uso e reserva:
- O modo de acceso a esta instalación será mediante reserva dalgunha das pistas. Para reservar este espazo deberá identificarse nesta web e facer unha «nova reserva simple». No caso de reservas de máis dunha franxa horaria, de máis dun día ou con máis de 7 días de antelación, deberá achegar unha «solicitude de reserva múltiple» indicando todos os datos da reserva e agardar a confirmación da administración.
- O número máximo de persoas que poden participar na reserva dunha pista será de 4.
- No pagamento de cada reserva, aplicarase a tarifa correspondente á persoa con menores vantaxes de entre as participantes.
- A altura e a tensión das redes de tenis soamente poderá ser modificada polo persoal da Área de Benestar, Saúde e Deporte.
- A raqueta e as bólas a utilizar serán as específicas para este deporte, polo que queda prohibida a utilización de calquera outra que non teña as mesmas características.
CARACTERÍSTICAS TÉCNICAS DAS INSTALACIÓNS
- Pistas de tenis 1 e 2 (tenis quick)
- Ano de apertura: 2002
- Dimensións (m2): 512 (32 x 16)
- Tipo de pavimento: tenis quick
- Modalidades deportivas: tenis
- Localización: instalacións exteriores
- Cabida deportistas: 4
- Cabida público xeral: 50
- Vestiarios: si
- Pistas de tenis 3, 4 e 5 (herba sintética)
- Ano de apertura: 2016
- Tipo de pavimento: herba sintética
- Observación: a pista 3 cambiou a herba sintética en 2016
O Campus de Ourense conta con dúas pistas de tenis para a práctica deportiva libre e onde imparten clases tamén as escolas deportivas de tenis e de tenis infantil.
1.- Normas de uso:
- O modo de acceso a estas instalacións será mediante reservas da pista completa.
- A persoa responsable da reserva deberá identificarse na conserxería do pavillón universitario antes do comezo da actividade. No caso das reservas gratuítas para a comunidade universitaria será necesario que se identifiquen todas as persoas participantes na reserva.
- Para o pagamento de cada reserva, aplicarase a tarifa correspondente á persoa con menores vantaxes de entre as participantes.
CARACTERÍSTICAS TÉCNICAS (PISTAS TENIS 1 e 2)
- Ano de apertura: 2012
- Dimensións (m2): 758
- Cabida deportistas: 6
- Cabida público xeral: non aplica