A Universidade de Vigo conta cunha sección federada de tenis no Campus de Vigo.
1. Persoas destinatarias
O equipo está aberto ás persoas pertencentes á comunidade universitaria da UVigo (alumnado, PDI e PAS) ou tituladas por esta e cun nivel medio-alto de práctica no tenis. Ata un 33 % das persoas integrantes poderán ser alleas á comunidade universitaria.
2. Vantaxes
- Participar nos adestramentos e nas competicions dos equipos.
- Uso gratuíto da pista de atletismo e da sala cardio-fitness (esta última só nos seguintes horarios: luns a xoves entre 08.30 h - 10:30 h, 13.30 h - 18.00 h e 21.00 h - 22.30 h e os venres de 08.30 h a 22.30 h).
3. Procedemento de inscrición no equipo
Contacta en primeiro lugar coa persoa responsable desta seccion para que faga unha valoración do teu nivel deportivo. A continuación fai unha pre-inscrición a través desta web. A Área de Benestar, Saúde e Deporte revisará a solicitude e, no caso de ser aceptada, procederá á confirmación da túa inscrición.