1.- Entidade que presta o servizo: Arrepións.
2.- Lugar de celebración: Río Miño (Arbo).
3.- Persoas destinatarias: Comunidade universitaria Uvigo e persoas extenas.
4.- Inscricións: As persoas farán primeiro unha pre-inscrición a través desta web. En canto se chegue ao número minimo de persoas necesario para conformar o grupo, as quen fixera a pre-inscrición recibirá un correo electrónico para que faga o pagamento nun prazo máximo de 48 h. No caso de non facelo, perderá o dereito a reserva da dita praza.
5.- Transporte: A inscrición na actividade incluirá o transporte ata o punto de encontro sempre e cando se complete un microbús entre as persoas participantes de Pontevedra e Vigo. Este microbús sairá aproximadamente ás 9.00 dende Nakasa Interiorismo na Praza de Galicia de Pontevedra e ás 9.30 do Areal nº52 de Vigo. A volta será sobre ás 14.30 h. Para posibles saídas dende o Campus de Ourense, consultar coa Área de Benestar, Saúde e Deporte do campus.
6.- ¿Como chegar ao punto de encontro?: Para chegar polos seus propios medios, as persoas participantes deberán coller a A52 (autovía Ourense), coller a saída 291 que pon Ponteareas, As Neves, Arbo e Portugal. Saímos da autovía e seguimos á dereita cara As Neves. Atravesamos este pobo, ben polo centro ou pola circunvalación e seguimos cara Arbo, entraremos na PO-400 que está sinalizada con postes kilométricos, e no Km 15,5 xiraremos á dereita cara o polígono industrial e ao final de todo, en Plásticos Carrera, xa estará agardando o persoal da empresa.
7.- Información complementaria:
- As persoas participantes deberán levar bañador, toalla, tenis para mollar e útiles de ducha, o resto do equipamento (casco e chaleco homologado, traxe e escarpíns de neopreno de 5 mm.) corre a cargo da empresa.
- É obrigatorio saber nadar e ser maior de 18 anos.
- Unha vez efectuado o reparto do material o grupo subirá 9 km no autobús da empresa ata o embarque. Alí daránselles as explicacións necesarias sobre a colocación do material, remar e, sobretodo, de seguridade. Despois comezará o descenso do río que durará sobre 1.30 h. Unha vez terminado o percorrido, chegarase ás instalacións da empresa para tomar unha ducha quente e dar por finalizada a actividade.