ACTIVIDADE SUSPENDIDA TEMPORALMENTE ATA COMPROBAR A EVOLUCIÓN DO COVID-19
1.- Descrición:
A Escola de Enxeñaría Industrial (EEI) da Universidade de Vigo convoca a sexta edición da Competición de Robots en colaboración coa Rama de Estudantes do IEEE (Institute of Electrical and Electronics Engineers) da Universidade de Vigo e a Sección de Estudantes de ISA (International Society of Automation) da Universidade de Vigo.
O prazo para realizar a inscrición na competición finaliza o 30 de xaneiro de 2020 e a data da competición será o 24 de abril de 2020 a partir das 10:30 h nas instalacións da Escola de Enxeñaría Industrial (Campus Universitario As Lagoas, Marcosende).
2.- Categoría BE-ROBOT:
Nesta categoría poderá participar o alumnado matriculado durante o curso 2019/2020 na Ensinanza Secundaria Obrigatoria e Bacharelato. Dun xeito simple e divertido, partindo dun kit básico que proporciona a organización, o alumnado poderá familiarizarse co mundo da robótica participando na montaxe e programación dun robot que lles permita realizar as probas que se detallan nas BASES DO CONCURSO.
Os equipos participantes terán entre 4 e 6 compoñentes e serán coordinados por un profesor/a titor/a.
3.- ¿Cómo inscribirse?:
- Se aínda non tes conta de usuario/a, crea unha no seguinte enlace CREAR CONTA. Unha vez feito recibirás un correo cun enlace para activala.
- Se xa tes unha conta de usuario/a, deberás restaurar a túa contrasinal no seguinte enlace ESQUECÍN A MIÑA CLAVE xa que co cambio de aplicación e por motivos de seguridade non se exportaron as contrasinais anteriores.
- Autentícate co login e contrasinal da túa conta de usuario/a.
- Usa o buscador de arriba á dereita para localizar a actividade na que te queres inscribir (exemplo de palabra clave: "robot")
- Fai click no botón azul de INSCRICIÓN da web de cada actividade para inscribir a un equipo.
- Selecciona a Tarifa que necesites: "con kit" ou "sen kit"
- Acepta os "Teros e condicións" de inscrición.
- Se vas a inscribir máis equipos, repite o proceso as veces que sexan necesarias cun máximo de 10 inscricións por centro escolar.
- Se xa remataches, clica no carro da compra para comezar co proceso de pagamento:
- Introduce os datos fiscais que necesites que figuren no xustificante de pagamento no caso de ser distintos dos da conta de usuario
- Elixe o modo de pagamento e efectúa este dentro do prazo establecido (tarxeta bancaria: 30 min. e autoliquidacion 48 h). No caso de superar este prazo poderás reactivar o pedido sempre e cando siga habendo prazas libres.
- Xa por último, cubre os cuestionarios de "información complementaria para completar a inscrición" cos datos de cada un dos equipos (nome dos equipos, persoas participantes, etc). Este cuestionario poderedes editalo directamente dende a web ata ao 31 de marzo.
4.- Formas de pagamento:
- Online con tarxeta bancaria a través desta web.
- En efectivo nunha sucursal bancaria de Caixabank, Banco Santander ou Abanca presentando a folla de autoliquidación imprimible nesta web.
5.- Outras consideracións:
- Establecese un máximo de 10 equipos inscritos por centro.
- As cuotas de inscricións non son reembolsables agás por causas directamente atribuibles á Universidade.
- As prazas soamente quedarán reservadas no momento no que se faga efectivo o pagamento.
- Os equipos que o solicitaran recibirán no seu centro o kit básico de robótica que inclúe todo o necesario para que poidan desenvolver o concurso. Este kit pasará a ser propiedade do centro educativo unha vez rematado o concurso.
5.- Máis información e contacto:
Fernando Manzanedo García
Email: eei.alumnado@uvigo.es
Escola de Enxeñaría Industrial.
Campus Lagoas-Marcosende s/n. CP 36310 Vigo (Pontevedra)
Web: eei.robots.webs.uvigo.es